१९ असार २०८३, शुक्रबार
पाल्पाको तिनाउ गाउँपालिका वडा नम्बर -१ मा नेकपा एमालेको प्यानल नै विजयी भएको छ ।
अध्यक्ष पदमा एमालेका भुवन चिदी १ हजार १४१ मत लिएर विजयी भएका हुन्।
उनका प्रतिद्वन्द्वी गठबन्धन दलका उम्मेदवार हस्त बहादुर रास्कोटीले ९७९ मत मात्र प्राप्त गरे ।
चिदीले रास्कोटीलाई १६२ मतान्तरले पराजित गरेका हुन् ।
यसैगरी वडा सदस्यमा खुला तर्फ देउबहादुर पुनले १ हजार १२१, यमबहादुर गाहाले १ हजार १२७, महिला खुल्ला सदस्यमा धनकुमारी बगाले १ हजार १३० र दलित महिला सदस्य रुप कुमारी कामीले १ हजार १३८ मत प्राप्त गर्दै विजयी भएका छन् । तिनाउ १ मा कूल २१५० मत खसेको थियो ।
