१० असार २०८३, बुधबार
रसुवाको गोसाइँकुण्ड गाउँपालिकाको अध्यक्षमा नेकपा एमालेका कैसाङनुर्पु तामाङ निर्वाचित भएका छन् ।
उनले २ हजार ५६३ मत पाए ।
उनका प्रतिद्वन्द्वी नेपाली कांग्रेसका पेम्बा छिरिङ तामाङले २ हजार ८० मत पाए ।
कैसाङनुर्पु तामाङ एमाले जिल्ला कमिटीको उपसचिव हुन् भने पेम्बा छिरिङ तामाङ कांग्रेसको पार्टी सभापति हुन् ।
उपाध्यक्षमा विजयी प्रतिमा तामाङले २ हजार ५ सय ४५ मत पाएकी छन् ।
उनी एमालेबाटै उम्मेदवार बनेकी थिइन् । उनको निकटतम प्रतिद्वन्द्वी कांग्रेसको देकी तामाङले २ हजार ८८ मत पाइन् ।
