०८ असार २०८३, सोमबार
इलामको माईजोगमाई गाउँपालिका–१ को वडाध्यक्षमा गोला प्रथाबाट नेकपा एमालेका याम कुमार कार्की विजयी भएका छन् ।
मतगणनामा एमालेका कार्की र नेपाली कांग्रेसले टेक बहादुर शाहले बराबरी १ हजार ८४ मत ल्याएका थिए । ३१ गते मतगणना सकिए पनि गोला प्रथा भने सोमवार गरिएको थियो ।
बराबरी मत ल्याएपछि दुवै जना मतगणना स्थलबाट बाहिरीएका थिए । जेठ १ गते दुवै जना आएपनि कार्कीले भने गोलाप्रथा गर्न मानेका थिएनन् ।
गोलाप्रथामा कार्की विजयी भएको माईजोगमाईका निर्वाचन अधिकृत प्रेम काफलेले जानकारी दिए ।
माईजोगमाई गाउँपालिकामा भने एमाले र नेकपा एकीकृत समाजवादी बीच प्रतिष्पर्धा भएको छ । एमालेका कुशबहादुर थेवे र नेकपा एसका जितबहादुर राई चुनावी मैदानमा छन् । आज साँझसम्ममा मतपरिणाम आई सक्ने काफलेले बताए ।
