×

NIC ASIA

स्थानीय चुनाव

चुनावबारे चन्द्र भण्डारीको विश्लेषण– कांग्रेसलाई जनताले पत्याए, माओवादी कमजोर शक्ति रहेन

जेठ ५, २०७९

Prabhu Bank
NTC
Premier Steels

वैशाख ३० गते सम्पन्न स्थानीय तह निर्वाचनको नतिजा आइरहेको छ । अहिलेसम्मको नतिजा हेर्दा यो चुनावको सन्देश– पहिलो त नेपालका राजनीतिक पार्टीहरू गठबन्धनको सहकार्यलाई विस्तार रूपले स्वीकार गर्दैछन् भन्ने छ ।

Muktinath Bank

दोस्रो, माओवादी त्यति कमजोर थिएन, एउटा विद्रोही जसलाई धेरै टाढा राख्नुहुँदैन भन्ने छ । धेरैजसो उसैका एजेण्डाका आधारमा हामीले संविधान बनाएका हौं । तेस्रो कुरा, नेपाली कांग्रेस धेरै कमजोर भइसकेको थियो, भलै गठबन्धनबारे कांग्रेसभित्र आफ्ना तर्कवितर्क थिए, आशंका थिए । गठबन्धनले गर्दा धेरै ठूलो उपलब्धि माओवादी र नेकपा एकीकृत समाजवादीलाई भएको छ । कांग्रेसलाई पनि फाइदा भएको छ । 


Advertisment
RMC TANSEN
IME BANK INNEWS
shivam ISLAND

चौथो कुरा, एमालेको पालामा आफ्नो दुईतिहाइ सरकार चलाउन नसकेको अवस्था, केन्द्र र प्रदेशका सरकार चलाउन नसकेर आन्तरिक द्वन्द्वमा फसेको कारणले काम गर्न सकेनौ भन्ने सन्देश पनि जनताले दिएका छन् । देशमा सुशासन कायम गर्दै गरीबीको अन्त्य गर भन्ने सन्देश पनि चुनावले दिएको छ । यी कुराहरू मतदानमार्फत नेपाली जनताले फैसला गरेको विश्लेषण गर्न सकिन्छ ।


Advertisment
Nabil box
Kumari

यसकारण कांग्रेसलाई रुचाए  

Vianet communication

गत स्थानीय चुनाव, संघ र प्रदेशमा जनताले एमाले रोजेका थिए, तर उसको असफलतापछि कांग्रेस रोज्नुबाहेक जनतासित विकल्प थिएन । एमाले अध्यक्ष केपी ओली नेतृत्वको सरकार चल्न सकेन । ओली सरकारमाथि स्वयं सरकारको नेतृत्वकर्ता दलबाट विभिन्न प्रश्न उठे । भ्रष्टाचारका कुरा उठे । दोस्रो, ओली कामभन्दा पनि अरूलाई गाली गलौजमा उत्रिएको कुरा जनताले मन पराएनन् ।

तेस्रो, घरभित्रको द्वन्द्वबाट पार्टी छियाछिया भयो । जनताका समस्या उस्तै छन् । जनताका सामान्यभन्दा सामान्य समस्या समाधान भएका छैनन्, तर देशको नेतृत्व गरेको दलका नेताले ठूला कुरा गर्दा जनता र नेताको बीचमा तालमेल भएन । त्यो असन्तुष्टि मतदानमार्फत जनताले प्रकट गरे । 

२३ सीट जितेको कांग्रेसको नेतृत्वमा सरकार बन्ने परिस्थिति केपी ओलीकै कारण बन्यो । कांग्रेस कसैलाई गाली नगर्ने, सबैलाई मिलाएर जान सक्ने र खुरुखुरु काम गर्ने रेसिस्ट पावर भएको पार्टी भएकाले जनताले कांग्रेसलाई नै उचित विकल्प देखे । जनताको यो विश्वास जित्नु अब कांग्रेसको दायित्व हुन पुगेको छ । 

ओलीप्रतिको आकर्षण घट्यो

पछिल्लो केही समययता सामाजिक सञ्जाल हेर्दा बिहानदेखि बेलुकासम्म केपी ओलीले अरूलाई गाली गरेको बाहेक केही देखेनौं । भाषणमा कुनै रचनात्मक कुरा छैन । मैले के गर्छु, पार्टीलाई कसरी लैजान्छु, स्थानीय तह कस्तो बनाउँछु भन्दा पनि गालीगलौजमा उत्रिनुभयो । हेर्नुस् त, उहाँले कांग्रेसलाई लगाएको आरोप । उहाँले अन्य दलका नेतालाई यति गाली गर्नुभयो कि मानिसले त्यो सहन सकेनन् । 

आधुनिक र सभ्य विश्वमा अहिले गालीभन्दा पनि आफ्नो एजेन्डाका आधारमा भोट पाएको देखिरहेका छौं । देशलाई कसरी अगाडि बढाउन चाहन्छ, स्थानीय तहलाई कसरी विकास गर्छ भन्ने कुरा जनताले हेरेका हुन्छन् । खेती किसानी गर्ने जनताले के खोजिरहेका छन् ? गाउँका जनताले स्कूल कस्तो खोजिरहेका छन्, कलेज कस्तो खोजिरहेका छन्, गाउँको समस्या के हो ? यो कुरालाई भन्दा पनि ओलीले जनताको जीवनमा प्रभाव नपार्ने ठूला कुरा मात्र गर्नुभयो । ओली गालीगलौजमा सीमित रहेका कारण जनताले एमालेलाई मन पराएनन्, पत्याएनन् । 

बन्न सक्छ फेरि वामपन्थी गठबन्धन ?

चुनावमा एमालेलाई लागेको धक्कापछि फेरि वामपन्थी गठबन्धनको हल्ला चलेको छ, तर म त्यो सम्भावना देख्दिनँ । यो चुनावमा भोट गर्दा शीर्ष नेताहरूले  गठबन्धनलाई २० वर्षसम्म चलाउने भनेका थियौं, त्यति लामो नगए पनि आगामी संसदीय चुनावसम्म यो सरकार चल्छ । 

गठबन्धन पछिसम्म जान्छ भनेर प्रधानमन्त्री एवं कांग्रेस सभापति शेरबहादुरजी, माओवादी अध्यक्ष प्रचण्डजी, माधवजीले, झलनाथजीले भनिरहनुभएको छ । हुन त नेपालको राजनीति सत्ता र स्वार्थकेन्द्रित भइरहेको छ, तथापि उहाँहरूले स्थानीय तहको चुनावमा भोट माग्दै गर्दा जे कुरा लिएर जानुभएको छ, त्यसको आधारमा यो गठबन्धन प्रतिनिधि सभा चुनावसम्म जान्छ भन्ने नै लाग्छ । 

संसद् विघटन र संविधान कुल्चिएको अवस्थामा बनेको यो गठबन्धनको धरातल त्यति कमजोर छैन । गठबन्धन बनाउँदादेखि अस्ति चुनावअघि गरेको वाचाअनुसार पनि नेताहरू यसप्रति इमान्दार देखिएका छन् । विगतमा नेताहरूले इमान्दारी कुरा गरेका छैनन्, जनतालाई विश्वासघात गरेका छन्, यो नगरुन् भन्ने उनीहरूको चाहना छ । ठूला कुरा गर्नुभन्दा पनि जनताका समस्या समाधान गर्ने एजेन्डा लिएर चुनावमा जानुपर्छ । 

काठमाडौंको अभिमत– दलप्रतिको आक्रोश

काठमाडौंमा स्वतन्त्र उम्मेदवार बालेन साहले मेयरमा पाइरहेको लोकप्रिय मतलाई हामीले दुई तीन तरिकाले हेर्नुपर्छ । काठमाडौंको कुरा हेरौं, अहिलेको लिडरसिपले युवाहरूको आवश्यकता र चाहना बुझ्न नसकेका कारण उनले भोट पाए । अहिले ग्लोबल भिलेजको कुरा आइरहेको समयमा जनताले के चाहिरहेका छन् ? त्यो कुरा राजनीतिक दलका शीर्ष नेताले बुझेनन् । 

अहिले जसरी भ्रष्टाचार र दण्डहीनताले गर्दा राजनीति दुर्गन्धित भइरहेको छ । अहिलेको स्थानीय तहको चुनावले त्यसलाई हटाउन सकेन भने स्वतन्त्रले चुनाव जित्ने प्रवृत्ति अझै बढेर पार्टीहरू कमजोर हुन्छन् । राजनीतिक दलहरूप्रतिको असन्तुष्टिले नेपालमा भारतको केजरिवाल जस्तो वैकल्पिक राजनीतिक दल स्थापना हुनसक्छ । पार्टीहरूले आफूभित्र व्यवस्थापन गर्न सकेनन् र पारदर्शी बनेनन् भने बालेन जस्ता स्वतन्त्र उम्मेदवार बन्ने प्रवृत्तिलाई रोक्न सकिन्न ।

(कांग्रेस नेता भण्डारीसँग गरिएको कुराकानीमा आधारित) । 
 

hAMROPATRO BELOW NEWS
TATA Below
पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

बैशाख ११, २०८१

फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

जेठ २, २०८१

सहकारीपीडितको अर्बौ‌ं रकम अपचलनका विषयमा संसदीय छानबिन समिति गठनको पक्षविपक्षमा नेपाली कांग्रेस र नेकपा एमाले विभाजित हुँदा प्रधानमन्त्री पुष्पकमल दाहाल ‘प्रचण्ड’ चेपुवामा परेका छन् ।&nb...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x