तनहुँको व्यास नगरपालिकाको मेयर पदमा नेपाली कांग्रेसका बैकुण्ठ न्यौपानेले अग्रता कायम राखेका छन् । 

पछिल्लो मत परिणामअनुसार स्वतन्त्र रूपमा उम्मेदवारी दिएका पूर्वमन्त्री गोविन्दराज जोशीका छोरा समेत रहेका दीपकराज जोशी ४७२ मतले पछि परेका छन् ।  

२६ हजार ९१७ मत गन्दा कांग्रेस उम्मेदवार बैकुण्ठ न्यौपानेले ११ हजार २४ मत पाउँदा जोशीले १० हजार ५५२ मत पाएका छन् । 

व्यास नगरपालिकामा कुल ३० हजार २४७ मत खसेको थियो ।