कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
स्थानीय तहको निर्वाचन सम्पन्न भएपछि राजनीतिक दलको ध्यान जिल्ला समन्वय समितितिर केन्द्रित भएको छ ।
संवैधानिक व्यवस्था अनुसार स्थानीय तहको निर्वाचन सम्पन्न भएको ३० दिनभित्र समितिको पहिलो बैठक बस्नुपर्ने भएकाले राजनीतिक दलभित्र छलफल शुरू भएको हो ।
सम्पन्न स्थानीय तह निर्वाचनको मत परिणाम अनुसार कैलाली जिल्लामा ठूलो दल नेपाली कांग्रेस र दोस्रो ठूलो दल नागरिक उन्मुक्ति पार्टी बन्न सफल भएको छ ।
कांग्रेस र नागरिक उन्मुक्ति पार्टीले समितिको प्रमुखमा आ–आफ्नो दाबी प्रस्तुत गर्दै छलफल अगाडि बढाएका हुन् । दलहरू एकले अर्कालाई मनाउने कसरतमा जुटेका छन् ।
रेशम चौधरीको योजना अनुसार हालै गठित नागरिक उन्मुक्ति पार्टी जिल्लाको १३ स्थानीय तहमध्ये ४ स्थानीय तह प्रमुखमा जितेपछि ठूलो दलको रुपमा स्थापित भएको छ ।
स्थानीय तह विर्वाचनको मत परिणाम अनुसार भने कैलालीमा कांग्रेसले ८ जना जना प्रमुख तथा उपप्रमुख र सदस्यहरूको हिसाबले कांग्रेस ठूलो दल हो ।
नागरिक उन्मुक्तिले ७, नेकपा एमालेले ५, माआवादी केन्द्रले ४, एकीकृत समाजवादी र स्वतन्त्रले १/१ प्रमुख जितेका हुन् ।
अन्य राजनीतिक दलले नागरिक उन्मुक्तिलाई प्रमुख दिएर भागबन्डा मिलाउने कसरतमा जुटेको पाइएको छ ।
तर नेपाली कांगेसले ठूलो दलको हैसियतमा रहेको र गठबन्धनको मर्म अनुसार अगाडि बढ्ने बताएको छ ।
सम्पन्न निर्वाचनमा गठबन्धनभित्र सबैभन्दा कमजोर भूमिका रहेको भन्दै आलोचना खेप्दै आएको कांग्रेसले विगतको कमजोरी सच्याउँदै गठबन्धनको मर्म अनुसार बढ्ने भन्दै सहकर्मी दलहरूलाई फकाउन शुरू गरेको छ ।
यहाँ जम्मा मतभार २६ रहेकोले कांग्रेसले गठबन्धन दलकै सहाराले समिति बनाउन बहुमत पुग्दैन । जुनकारण स्वतन्त्र उम्मेदवार निर्णायक देखिएकोले कांग्रेस स्वतन्त्र जितेका धनगढी उपमहानगरपालिकाका मेयर गोपाल हमालको मतको समेत अपेक्षा गरिरहेको छ ।
कांग्रेस कैलाली सभापति नारायणदत्त भट्टले स्थानीय तह निर्वाचनमा केही कमजोरी भए पनि विगतका ती कमजोरी सच्याउँदै गठबन्धनको मर्म अनुसार अगाडि बढ्ने बताए ।
राष्ट्रिय राजनीतिलाई केन्द्रमा राखेर अगाडि बढ्ने बताउँदै जिल्लामा पनि हाल स्थापित दल र स्वतन्त्र जितेका प्रमुखलाई मिलाएर जानुपर्नेमा उनले जोड दिए ।
नागरिक उन्मुक्ति पार्टीका केन्द्रीय संगठन विभाग प्रमुख लक्ष्मण चौधरीले आफूहरूलाई कांग्रेसले उपप्रमुख दिएर समिति गठनको प्रस्ताव अगाडि सारेको बताए । तर आफूहरूको दाबी प्रमुखमा रहेको र संख्यात्मक रुपमा कांग्रेस ठूलो दल भएकोले कांग्रेससँग छलफल चलिरहेको बताए ।
प्रारम्भिक छलफल भइसकेको तर कांग्रेसले निर्णय अझै दिन नसकेको भए पनि जिससमा आफूहरूको अन्य दलभन्दा कांग्रेससँगको समीकरण नै सहज हुने उनको भनाइ छ ।
नेपाल संविधानको धारा २२० अनुसार जिल्ला भित्रका गाउँपालिका र नगरपालिकाहरूबीच समन्वय गर्न एक जिल्ला सभा तथा जिल्ला समन्वय समिति रहने व्यवस्था छ ।
जसमा गाउँ कार्यपालिका अध्यक्ष र उपाध्यक्ष तथा नगर कार्यपालिका प्रमुख र उपप्रमुख सदस्य हुन्छन् ।
जसका गाउँ सभा र नगर सभाको निर्वाचनको अन्तिम परिणाम प्राप्त भएको मितिले ३० दिनभित्र जिल्ला सभाको पहिलो बैठक बस्नुपर्ने हुन्छ ।
जिल्ला सभाले एक जना प्रमुख, एक जना उपप्रमुख, कम्तिमा तीन जना महिला र कम्तीमा एक जना दलित वा अल्पसंख्यक सहित बढीमा नौ जना सदस्य रहेको जिल्ला समन्वय समितिको निर्वाचन गर्नुपर्ने प्रावधान रहेको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...