१२ साउन २०८३, मंगलबार
लुम्बिनी प्रादेशिक अस्पताल र राप्ती प्रादेशिक अस्पतालमा ओपीडी टिकटमा लाग्ने शुल्क नलिने व्यवस्था गरिएको छ ।
लुम्बिनी प्रदेश सरकारका आर्थिक मामिला तथा सहकारी मन्त्री कृष्णध्वज खड्काले आर्थिक वर्ष २०७९/०८० को बजेट प्रस्तुत गर्दै लुम्बिनी प्रादेशिक अस्पताल र राप्ती प्रादेशिक अस्पतालमा उपचारका लागि आउने बिरामीलाई ओपिडी टिकटमा शुल्क नलिने नीति अवलम्बन गरेको बताए ।
यस वर्षको बजेटमा यी अस्पतालमा ओपीडी टिकटमा शुल्क नलिने निर्णय गरेसँगै १ करोड ५० लाख रुपैयाँ विनियोजन गरिएको उनले जानकारी दिए ।
प्रादेशिक अस्पताललाई प्रादेशिक मेडिकल कलेजमा स्तरोन्नति गर्न संघ सरकारसँग समन्वय गर्ने जनाइएको छ ।
