२५ वर्षदेखि देउसी भैलोमार्फत राजनीतिक विकृतिमाथि प्रहार गर्दै आएको सिस्नुपानी नेपालले यसवर्ष पनि बेजोड देउसी भैलो तयार गरेको छ । प्रज्ञा प्रतिष्ठानसँगको सहकार्यमा सिस्नुपानीले शनिवार प्रज्ञा प्रतिष्ठानको सभाकक्षमा देउसी भैलो रेकर्ड गराएको हो । 

राजनीतिक दलका नेताहरूको उपस्थिति रहेको देउसी भैलो कार्यक्रम विभिन्न सञ्चारमाध्यमबाट सार्वजनिक हुनेछ । यसपटकको देउसी भैलोमा सिस्नुपानीले गठबन्धन गरेका दलप्रति कठोर प्रहार गरेको छ । 
नेपाली कांग्रेस, नेकपा एमाले र माओवादी केन्द्र सबैप्रति व्यंग गरिएको छ । 

यस्तो छ, देउसी भैलोको एउटा अंश 

नेपाली कांग्रेस– जिन्दावाद !
भोट केमा ? हतौडामा । 
माओवादी केन्द्र– जिन्दावाद ! 
भोट के मा रुखमा ?
यो जीत कस्को– थाहा छैन !
आफ्नैलाई भोट हाल्न पाछैन ।
०००
नेकपा एमाले– जिन्दावाद !
भोट के मा ? हलोमा !
यो जित कस्को ? छाताको !
सूर्य चिन्ह कमल थापाको !