०३ असार २०८३, बुधबार
चीन र ताइवानबीच तनाव जारी छ । तर, यो उथलपुथलको बीचमा एउटा खुसीको खबर पनि बाहिर आएको छ । ताइवानको एउटा चिडियाखानामा पाण्डा बिरामी परेको छ । त्यसैले ताइवान सरकारले यसका लागि चीनसँग सहयोग मागेको छ । अब चीनबाट २ जना चिकित्सक उपचारका लागि त्यहाँ पुग्ने भएका छन् ।
तुआन तुआन नामको विशाल पाण्डा सन् २००८ मा चीनले ताइवानलाई उपहार दिएको थियो । तर, यो १८ वर्षीय पाण्डा आजकाल निकै बिरामी परेको छ । ताइवानी चिडियाखानाका अधिकारीहरूले उनलाई ब्रेन ट्युमर भएको आशंका गरेका छन् । दुई छिमेकीबीचको सुमधुर सम्बन्धका लागि यो पाण्डा उपहार दिइएको हो । यसको नामको अर्थ पनि पुनर्मिलन वा एकता हो ।
चिनियाँ सञ्चारमाध्यमका अनुसार राज्य परिषद्को ताइवान मामिला कार्यालयका प्रवक्ता मा सियाओगुआङले शुक्रवार जायन्ट पाण्डाका लागि चाइना कन्जर्भेसन एण्ड रिसर्च सेन्टरले दुई जना भेटेरिनरी विशेषज्ञ छानेको जानकारी दिएका छन् । उक्त दुई विशेषज्ञले ताइवान पुगेर पाण्डाको उपचार गर्नेछन् । उनले अनुसन्धान केन्द्रले सेप्टेम्बरको अन्त्यदेखि विज्ञ टोली गठन गरेको र सहयोग उपलब्ध गराउन ताइपेई चिडियाखानासँग नजिकको सम्पर्कमा रहेको बताए ।
चीन–ताइवानमा तनाव जारी
यसैबीच, ताइवानका राष्ट्रपति साइ इङ वेनले आफ्नो स्वशासित टापु देश चीनको ‘आक्रामक धम्की’ को सामना नगर्ने बताएका छन् । चीनको सत्तारुढ कम्युनिष्ट पार्टी अफ चाइना (सीपीसी) को पञ्चवर्षीय महाधिवेशनमा युक्रेनविरुद्ध रुसले गरेको सैन्य कारबाहीपछि रुसमाथि चीनको दबाब बढिरहेको बेला साईले यस्तो अभिव्यक्ति दिएका हुन् । आवश्यक परे बल प्रयोग पनि उनले बताएका छन् ।
