२५ जेठ २०८३, सोमबार
बारा–४ बाट प्रतिनिधिसभा सदस्य उम्मेदवार कृष्णकुमार श्रेष्ठ (किसान) निर्वाचित भएका छन् । उनी नेकपा एकीकृत समाजवादीका नेता हुन् ।
उनले एमालेका उम्मेदवार एकवाल मियाँलाई ६ हजार ४२८ मतले पराजित गरेका हुन् ।
अन्तिम मतपरिणामअनुसार, श्रेष्ठले २० हजार २९१ मत पाएका छन् । उनका निटकत प्रतिद्वन्द्वी एमालेका मियाँले १३ हजार ८६३ मत ल्याएका छन् ।
श्रेष्ठलाई सत्तारूढ गठबन्धनको समर्थन रहेको थियो । नेकपा एकीकृत समाजवादीको प्रतिनिधिसभा सदस्यमा यो दोस्रो जीत हो ।
यसअघि अछाम–१ बाट एकीकृत समाजवादीका शेरबहादुर कुँवरले चुनाव जितेका छन् ।
