०२ असार २०८३, मंगलबार
भारतको मेरठमा एक विद्यालयका छात्रहरूले एक शिक्षिकालाई आई लव यू भनेपछि शिक्षिकाले प्रहरीसमक्ष उजुरी दर्ता गरेकी छन् ।
आफूलाई विद्यार्थीहरूले जिस्क्याएको र ज्यान मार्ने धम्की दिएको भन्दै उनले जाहेरी दिएकी हुन् ।
१२ कक्षामा पढ्ने विद्यार्थीहरूले आफूलाई धेरै दिनदेखि सताइरहेको उनको भनाइ छ । कक्षाभित्रै अनि बाहिर सडकमा पनि विद्यार्थीहरूले जिस्क्याउने र हैरान गर्ने गरेको उनी गुनासो गर्छिन् ।
शिक्षिकाको उजुरीपछि आरोपित विद्यार्थीहरूका विरुद्ध आईटी एक्ट उल्लंघन तथा दुर्व्यवहारको धारा लगाएर उजुरी दर्ता गराइएको छ । विद्यार्थीहरूसँग सोधपुछ जारी छ ।
डा राम मनोहर लोहिया स्मारक इन्टर कलेज राधना स्कूलकी शिक्षिकामाथि दुर्व्यवहार गरिएको हो । विद्यार्थीहरूले उनलाई आई लभ यू भन्नेदेखि अश्लील टिप्पणी गर्नेसम्मका हर्कत गरेको उनी बताउँछिन् ।
जति सम्झाउँदा बुझाउँदा पनि विद्यार्थीहरूले नटेरेको उनको गुनासो छ । विद्यार्थीहरूले जिस्क्याइरहेपछि आफू डिप्रेसनमा गएको उनी बताउँछिन् ।
भिडियो हेर्न तलको लिंक क्लिक गर्नुहोला:
