०२ असार २०८३, मंगलबार
अर्जेन्टिनाले फूटबल विश्वकप जितेपछि खुशियाली मनाउने क्रममा एक समर्थकको अनौठो किसिमले मृत्यु भएको छ ।
उनले आफ्नो घाँटीमा देशको झण्डा बाँधेर मोटरसाइकल चलाइरहेको बेलामा झण्डा बाइकको चक्कामा फसेपछि घाँटी कसिएर मृत्यु भएको हो ।
सेबास्टियन अस्कर मासिएल नामक ती २२ वर्षीय युवक घटनास्थलमै बितेका थिए ।
राजधानी ब्युनस आयर्स नजिक रहेको बाहिया ब्लान्का शहरमा आइतवार खुशियाली मनाउने क्रममा उनी बाइकबाट भुइँमा लडेका थिए ।
प्रहरीले घटनाको अनुसन्धान गरिरहेको जनाएको छ । आरम्भिक अनुमान अनुसार उनी सास रोकिएर मरेका हुन् ।
विश्वकप फाइनलमा फ्रान्सलाई हराएपछि अर्जेन्टिनाका समर्थकहरूले दिनरात विभिन्न शहरमा खुशियाली मनाइरहेका छन् ।
