०१ असार २०८३, सोमबार
बलिउड स्टारहरू प्रायःले परोपकारका काम गरेको देखिन्छ । तर ‘लाइमलाइट’बाट टाढै रहने सुनिल शेट्टीले वर्षौंअघि यस्तो महान कार्य गरे जसको बारेमा आजसम्म कसैलाई थाहा थिएन । सुनिल शेट्टीले धेरै वर्षअघि ४५० यौनकर्मी महिलाहरू उद्धार गरेका थिए । त्यसमध्ये १२८ जना नेपाली महिलाहरू रहेको भारतीय सञ्चारमाध्यम जनसत्ताले दाबी गरेको छ । समाचारमा जनाइएअनुसार ती महिलाहरू हाल सर्वसाधारणको जस्तै जीवन बिताइरहेका छन् ।
जानकारी अनुसार सन् १९९६ मा मुम्बई नजिकैको कामाठीपुराबाट ४५० महिलालाई वेश्यावृत्तिमा लगिएको थियो । यो त्यही कामाठीपुरा हो, जसलाई आलिया भट्टको फिल्म ‘गंगुबाई काठियावाडी’ मा देखाइएको छ । यो क्षेत्र वेश्यावृत्तिको लागि प्रसिद्ध छ । कामाठीपुराको यो दलदलबाट निकालिएका ४५० यौनकर्मीमध्ये १२८ नेपाली युवती रहेको जसलाई भारतीय सरकारले अस्वीकार गरेको समाचारमा दाबी गरिएको छ ।
समाचारमा जनाइएअनुसार त्यसबेला सुनिल शेट्टी ती असहाय केटीहरूलाई मद्दत गर्न अगाडि आए । उनले ती यौनकर्मीलाई टिकट दिएर नेपाल फिर्ता पठाउने मात्रै गरेनन्, उनीहरू सुरक्षित रूपमा घर पुग्ने पनि सुनिश्चित गरे ।
त्यसबेला सुनील शेट्टीले यो गोप्य राख्नु उचित ठानेका थिए । उनले अन्तर्वार्तामा यसको श्रेय लिन पनि अस्वीकार गरे । ती महिलाहरूलाई बचाउन धेरै मानिसको मिहिनेत भएको उनको विश्वास छ । यसबाहेक उनले यस विषयमा फिल्म बनाउन सकिने बताएका थिए ।
सोनु सूदकाे पराेपकारी काम
सबैले याद गर्नेछन् कि बलिउड अभिनेता सोनू सूदले कठिन समयमा यस्तो काम गरेका थिए, जसका लागि मानिसहरूले उनलाई ‘गरिबहरूको मसीहा’ भन्न थाले । कोभिड महामारीको समयमा लकडाउनका कारण शहरमा फसेका प्रवासी मजदुरलाई सहयोग गरेर सोनुले सबैको मन जिते । उसले आफ्नै पैसाले हजारौं मानिसहरूलाई घरमा पु¥याएका थिए ।
त्यसयता ट्वीटरमा धेरैले सोनु सूदलाई आफ्नो समस्या सुनाएर सहयोगको अपिल गरिरहेका छन् । जसलाई सोनू सुदले पूरा गर्ने प्रयास गरेका छन् ।
