बेलायतका राजकुमार ह्यारीले स्पेयर शीर्षकमा लेखेको आत्मकथा प्रकाशन हुनुअघि नै विवादास्पद भइसकेको छ ।

पुस्तकमा ह्यारीले आफू र राजपरिवारका विषयमा विभिन्न खुलासा गरेका छन् । 

अनेकौं खुलासाका सिलसिलामा ह्यारीले फ्रस्टबाइट पेनिसको कुरा पनि झिकेका छन् । दाजु विलियम र केट मिडलटनको विवाह समारोहमा आफू चिसोका कारण घाउ भएएको लिंग लिएर पुगेको उनले पुस्तकमा उल्लेख गरेका छन् । 

अनि जम्मा १७ वर्षको हुँदा आफूले भर्जिनिटी गुमाएको पनि उनले पुस्तकमा लेखेका छन् । 

चिसो मौसममा धेरै बेरसम्म छाला एक्सपोज भएमा फ्रस्टबाइट हुन्छ । चिसोले छालाको बाहिरी पत्र र तलको टिस्युलाई जमाइदिन्छ र घाउ हुन्छ । 

आफू सन् २०११ मा उत्तरी ध्रुवमा जाँदा फ्रस्टबाइटबाट पीडित भएको ह्यारीले लेखेका छन् । अफगानिस्तान युद्धमा घाइते भएका सैनिकहरूसँग आफू उत्तरी ध्रुव गएको उनले लेखे । 

त्यहाँको चिसो मौसममा आफ्नो लिंग जमेर घाउ भएको उनले पुस्तकमा उल्लेख गरेका छन् । 

ह्यारीको यो खुलासापछि सामाजिक सञ्जाल प्रयोगकर्ताहरूले उनलाई मजाकमा उडाएका छन् । ह्यारीले यसको खुलासा गरेर केही ठूलो काम नगरेको उनीहरूको भनाइ छ ।