०३ असार २०८३, बुधबार
तीन हजार वर्षअघि मरेका आठ वर्षीय एक बालकको खप्परका आधारमा वैज्ञानिकहरूले अनुहारको संरचना निर्माण गरेका छन् ।
उक्त खप्पर सन् १९३८ मा उज्बेकिस्तानको तेशिक–ताश गुफामा फेला परेको हो ।
नियान्डर्थल मानवको खप्परलाई पहिलोपटक ३डी पुनःसंरचना गरिएको हो । त्यसअनुसार बालकको सानो र अनुहारमा धँसिएको नाक देखिन्छ ।
एसियामा फेला परेको यो पहिलो नियान्डर्थल जीवाष्मशेष हो । संरक्षणमा रहेको यो नै पूर्ण एसियाली नियान्डर्थल खप्पर हो ।
चीनको जिलिन विश्वविद्यालय र रुसको मस्को स्टेट विश्वविद्यालयका टोलीहरूले युरेसिया क्षेत्रमा प्रागैतिहासिक मानवको अनुहार पुनःसंरचनाबाट अनेकौं कुराको जानकारी पाइएको बताए ।
उक्त खप्परसँगै साइबेरियाली आइबेक्स जनावरका सिङ र चराका अस्थिपञ्जर पनि फेला परेका थिए ।
ती बालकलाई विधिवत् अन्त्येष्टि संस्कार गरिएको संकेत त्यसबाट पाइन्छ ।
Scientists have recreated the face of an 8-year-old Neanderthal boy who died more than 30,000 years ago, using a skull that was first uncovered in the Teshik-Tash cave in Uzbekistan in 1938. pic.twitter.com/SpzaOtB5jC
— RT (@RT_com) January 23, 2023
