२२ असार २०८३, सोमबार
बलिउड अभिनेता अजय देवगन यतिबेला आफ्नो आगामी फिल्म 'भोला'लाई लिएर चर्चामा छन् ।
यसैबीच अजयले ‘भोला यात्रा’ शुरू गरेका छन् । अजयले आफ्नो सामाजिक सञ्जालका अकाउन्टमा यससँग सम्बन्धित एउटा भिडियो सेयर गरेका छन् ।
यस भिडियोमा अजय ट्रकको अगाडि उभिएका छन् र त्यसलाई झण्डा दिइरहेका छन् । उक्त ट्रकमा फिल्मको पोस्टर टाँसिएको छ ।
निर्माताले फिल्म रिलिज अगावै 'भोला'यात्रा शुरू गरेका छन् । यो ट्रक ठाणे, सुरत, अहमदाबाद, उदयपुर, जयपुर, गुरुग्राम, दिल्ली, कानपुर र लखनउ शहरहरूमा पठाइने भएको छ।
अजय देवगनको फिल्म ‘भोला’ साउथको हिट फिल्म 'कैथी'को हिन्दी रिमेक हो ।
यस फिल्ममा अजयबाहेक तब्बु, गजराज राव, दीपक डोबरियालजस्ता कलाकारहरू देखिनेछन् ।
फिल्ममा अजय मुख्य भूमिकामा छन् । फिल्म ३० मार्च २०२३ मा हलमा रिलिज हुने जनाइएको छ।
