×

NMB BANK
NIC ASIA

प्रधानमन्त्री पुष्ककमल दाहाल ‘प्रचण्ड’ले सदनमा चैत ६ गते दोस्रोपटक विश्वासको मत माग्दै गर्दा एउटा निराशाजनक धारणा व्यक्त गरे, ‘अहिले देशको सार्वजनिक बहसको स्तर खस्केको छ । समाधान होइन, दोषारोपणमा रमाउने प्रवृत्ति बढेको छ । एकथरी अराजक तत्त्वहरूले आ–आफ्ना गुफाबाट निस्केर नयाँ समस्या पैदा गर्ने प्रयास गरिरहेका छन् ।’ 

Sagarmatha Cement
Muktinath Bank

प्रधानमन्त्रीको यो धारणाले प्रस्ट पार्छ कि तीन महिना बीचमा आफूले पाएको विश्वासको मतमा उनी ढुक्क छैनन् । मंसिर ४ गते निर्वाचन सम्पन्न भएको चार महिना नबित्दै देखिएको यो अस्थिरताले मुलुकको यात्रा कहाँ पुग्ला भन्ने अनुमान लगाउन मुस्किल परेको छ । प्रधानमन्त्री प्रचण्डकै भनाई उद्धृत गर्दा ‘लोकतान्त्रिक संस्थाहरूविरूद्ध मोहभंग गराउने’ प्रयास भएको छ । दोषारोपण र उनले लक्षित गर्न खोजेको जता भए पनि यसको मूल जड सत्तामोह, राजनीतिक अस्थिरतामा रमाउन चाहनेहरू नै भएको कसैबाट छिपेको छैन ।


Advertisment
RMC TANSEN
IME BANK INNEWS
shivam ISLAND

निर्वाचनको परिणाम जुन ढंगले आयो त्यही ढंगको राजनीतिक अस्थिरता यति छिटो सतहमा पोखिनु अर्को निराशाको संकेत हो । निर्वाचनले समाधान र राजनीतिक स्थायित्व दिएन । यो प्रतिकूलताको समाधानका उपाय केबल सत्ताबाहेक अर्को नदेख्ने प्रवृत्ति झनै खतरनाक हो । जसको परिणाम यतिखेर मुलुकले बेहोरिरहेको छ । प्रधानमन्त्री प्रचण्डले दोस्रोपटक विश्वासको मत लिँदै गर्दा यो प्रवृत्ति कतिपटक दोहोरिने भन्ने अर्को प्रश्न खडा भएको छ । 


Advertisment
Nabil box
Kumari

सरकारलाई दश दलको समर्थन भनेर ठूलो वजन देखाउन खोजिएको छ । तर, यो सत्ता समीकरणको संघर्ष दुई शक्तिबीचको हो । राष्ट्रिय शक्ति निर्माणका लागि यति धेरै संख्याको दल चाहिँदैन । मुख्य दुई दल प्रतिस्पर्धी भए पुग्छ भन्ने बहस जबरजस्त स्थापित हुने वातावरण यो सत्ता समीकरणको होडबाजीले तयार गर्दैछ ।

Vianet communication
Laxmi Bank

गत निर्वाचनमा मूलधारका दलहरूकै कारण रिक्त ठाउँमा आएका ‘नयाँ शक्ति’हरूसमेत केबल ‘राजनीतिक विसंगति’का पात्र हुनुबाहेक अर्को केही भएको देखिँदैन । पछिल्ला राजनीतिक घटनाक्रमहरूले यसलाई झन् प्रमाणित गरिदिएको छ । ठूला दल राष्ट्रिय शक्ति बन्नबाट विमुख भए । जब राष्ट्रिय शक्ति बलियो हुँदैन, तब राष्ट्रिय राजनीतिको बाटो विसंगतितिर प्रेरित हुन्छ ।

दलहरूको वैचारिक धरातल

फरक–फरक विचार, सिद्धान्तका आधारबाट सत्ता प्राप्ति र सञ्चालन गर्न राजनीतिक संस्थाहरू खोलिएका हुन् । पार्टीको दर्शन, उद्देश्य र कार्यक्रमहरू लिएर जनताबीच जानु लोकतन्त्रको सबैभन्दा बढी सुन्दरता हो । लोकतन्त्रको सुन्दरताका लागि स्वस्थ प्रतिस्पर्धा, प्रतिस्पर्धाबाट श्रेष्ठता हासिल गर्नु पर्छ । मंसिर ४ को निर्वाचनबाट दलहरूले जे जनमत प्राप्त गरे त्यसको परिणामले तीन महिनामा राजनीतिक समीकरण फेरबदल गरिदिएको छ ।

दलहरूले लिएको दर्शन, वर्गाधार, कार्यक्रमका आधारमा जनताले भोट दिए, दिएनन् यो अर्को बहसको विषय हो । पार्टीहरूले लिएको उद्देश्य र कार्यक्रमका आधारमा वर्ग विश्लेषणको खाँचो हुन्छ । यदि त्यो गरिएन भने ५ वर्षका लागि प्राप्त जनमतको आधार अन्ततः अस्थिरताको अंकगणित बाहेक अर्को हुने छैन । 

मूलधारका दलहरूप्रति थुप्रै गुनासा छन् । नयाँ पुस्ता, वैकल्पिक शक्ति साराले लगाएको आरोपलाई अहिलेको जनमतले पुष्टि गरेको छ । राजनीतिक अस्थिरताका कारण विकास र समृद्धि अवरुद्ध भएको छ ।

भ्रष्टाचार, बेरोजगार, बेथितिको मूलस्रोत ठूला दलहरूका नेतृत्व हुन् भन्ने छोटो बुझाइ आममानिसमा छ । त्यही एजेन्डाका रूपमा अहिले केही नयाँ शक्तिहरू उदाए । उनीहरू अहिले परीक्षणमा छन् ।

दलहरूले लिने दर्शन, निश्चित उद्देश्यसँगै कार्यक्रमबाट समाजवादी वा पूँजीवादी, वामपन्थी वा दक्षिणपन्थी, प्रगतिशील वा प्रतिगामी आदिमा वर्गीकरण गरिनुपर्छ । यसैका आधारमा यतिखेर समाजवादी धार निर्माण र पूँजीवादी धार निर्माण गर्ने शक्ति कमजोर बन्दै जाँदा नयाँ शक्तिहरू जन्मिरहेका छन् । जसका उद्देश्यहरू प्रस्ट देखिँदैनन् । बरु राजनीतिक अस्थिरताको संसदीय गणितमा रमेको देखिन्छ ।

‘नयाँ शक्ति’को जग

मूलधारका राजनीतिक दलका नेताहरू जनगुनासोप्रति जवाफदेही नहुने र सामाजिक सञ्जालको व्याप्त प्रभावबाट ‘नयाँ शक्ति’को उदय भएको छ । भलै दश वर्षे माओवादी सशस्त्र संघर्षको नेतृत्वकर्तामध्ये एक डा. बाबुराम भट्टराईको पहलमा गठन भएको ‘नयाँ शक्ति’ले आकार लिएन । 

सञ्चारकर्मबाट ‘भ्रष्टाचारीलाई किरा परोस्’ भन्ने नारासहित ‘वैकल्पिक राजनीतिक शक्ति’ अवधारणाबाट साझा पार्टी निर्माण गरेका रवीन्द्र मिश्रको प्रयास पनि सफल भएन । २०७४ को स्थानीय, प्रदेश, संघको चुनावमा उत्साहित देखिएका साझा विवेकशील २०७९ मा आइपुग्दा लगभग सकिए । यसले के पुष्टि गर्छ भने ‘नयाँ वा वैकल्पिक शक्ति’हरू खहरे खोला सरह हुन् भन्ने भाष्यलाई पुष्टि गरेको छ ।

मुख्य गरी दुई खाले प्रवृत्तिबाट नयाँ शक्ति उदाएको देखिन्छ । पहिलो स्थानीय, क्षेत्रीयसहित पहिचानको माध्यमबाट लोकरिझ्याइँ (पपुलिज्म)मा टिकेका । यस्ता लोकरिझ्याइँ जन्मिनुमा मूलतः जनगुनासा, असन्तुष्टि र नकरात्मक जगमा खडा भएका हुन्छन् । मूलधारका दलहरूकै कारण सामाजिक जनजीविकाको विषयमा दलहरूले रिक्तता राखिदिएपछि ‘लोकरिझ्याइँ’वालाहरू झन् बलियो भएर उपस्थिति रहन्छ । उनीहरूले जे जसरी नकरात्मक जगबाट शक्ति आर्जन गरेर खडा भएका हुन्छन्, त्यसरी नै समाधान दिन सक्दैनन् ।

नयाँ शक्तिका रूपमा उदाएका शक्तिहरू जति छन्, उनीहरूको पृष्ठभूमि र जग यो भन्दा पर गएको देखिन्नँ । सञ्चारकर्मबाट उठाइने प्रश्नसँगै गठित रवि लामिछानेको राष्ट्रिय स्वतन्त्र पार्टी (रास्वपा)ले एउटा पासपोर्ट काण्डबाट बच्न सत्ताको मोह त्याग्न सकेन । नागरिक उन्मुक्ति रेशम चौधरी जेलमुक्त अभियानमा सत्तामोहमा लागि रह्यो । जसको पहिलो उदाहरण सुदूरपश्चिम प्रदेश सरकारमा चलखेलदेखि पछिल्लो सत्ता समीकरणसम्मको व्यवहारले प्रष्ट पारेको देखिन्छ । 

कथित सामाजिक अभियन्ताका नामबाट राप्रपा प्रवेश गरेर सांसद बनेका ज्ञानबहादुर शाहीको शैली पनि खासै वजन देखिन्न । जनताले पार लगाइसकेका राजसंस्थाको पैरवी गरेर ‘कथित नेपाल एकीकरण पृथ्वीनारायण शाहले गरेका हुन् । र, राजाले बनाएको नेपालमा गणतन्त्रवादीहरू किन बसेको ?’ जस्ता कुतर्कले केवल लोकतन्त्रिक संस्थालाई कमजोर बनाउन लोकरिझ्याइँबाहेक केही हुन सक्दैन ।

लामोसमय मूलधारकै राजनीतिक दलको नेतृत्व गरेर दल विभाजन गरी गठित माधव नेपाल नेतृत्व नेकपा (एकीकृत समाजवादी)को प्रवृत्ति झन् उदेकलाग्दो छ । जनमतको हैसियत हेर्दा थ्रेसहोल्डबाट पास हुन सकेको छैन । बरु ‘राष्ट्रिय सहमति’ भनेर ‘एक वर्षे प्रधानमन्त्री’ बन्ने धुनमा दिन गणना गरेर बसेको छ । वर्तमान सत्ता समीकरणको व्यवहारमा इमान्दार देखिन्छ नेकपा (एस) । यद्यपि उसको व्यवहार भने पूरै वामपन्थी आन्दोलनमा देखिने ‘दक्षिणपन्थी अवसरवाद’मा फसेको छ  ।

‘क्षणिक सफलताका लागि छिनाझपटी र मरिहत्ते गर्नु, वर्तमानका लागि भविष्यको बलिदान दिनु’ भन्ने दक्षिणन्थी अवसरवादबारे एंगेल्सले गरेको विश्लेषण नेकपा (एस)को व्यवहारमा हुबहु लागू भएको छ । 

र, अन्त्यमा

सोमवार प्रधानमन्त्री प्रचण्डले विश्वासको मत मागिरहँदा दश दलको समर्थन देखियो । तर, यो समर्थनको जग निकै कमजोर छ ।

उनकै अभिव्यक्तिमा पनि गठबन्धनप्रति विश्वस्त हुनसकेको आधार देखिएन । प्रधानमन्त्री प्रचण्डले हरेक समस्या समाधानमा ‘राष्ट्रिय सहमति चाहिन्छ’ भनेका छन् । समर्थन गर्ने दलको संख्यामा जति ठूलो आकार प्रदर्शन गरेर राष्ट्रिय सहमतिको आव्हान गरे पनि अन्ततः रानजीतिक गोलचक्करबाट प्रधानमन्त्री माथि उठेको देखिन्न ।​ पुर्नजिवित गठबन्धन सत्ता लाभहानीलाई केन्द्रबिन्दुमा राखेर गरिएको राष्ट्रिय सहमतिको खासै अर्थ देखिन्न ।

राष्ट्रको स्वाधीनता र स्वाभिमानलाई उँचो बनाउन प्रधानमन्त्री प्रचण्डले जति पहल लिन राष्ट्रिय सहमति भनेका छन् यो समाधान होइन । जुन ढंगले राजनीतिक कोर्स अघि बढेको छ, यो लोकरिझ्याइँवादीहरूबाट मुलुक फन्डामा फस्नुबाहेक केही हुँदैन । जसबाट मुलुकमा राजनीतिक स्थायित्वको सम्भावना छैन । बरु दुईध्रुवीय राजनीतिक अभ्यासका लागि दोस्रो पुस्ताको नेतृत्वले पहलकदमी लिन ढिला गर्नु हुँदैन ।

hAMROPATRO BELOW NEWS
TATA Below
कात्तिक ३०, २०८०

केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...

कात्तिक ३०, २०८०

कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...

फागुन १, २०८०

गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...

पुस ११, २०८०

नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

मंसिर ३, २०८०

मखमली फुल्दा, मार्सी धान झुल्दा बहिनी आउने छिन्,​ दैलाको तस्वीर छातीमा टाँसी आँसु बगाउने छिन् .....।  हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x