१० असार २०८३, बुधबार
मोरङको रंगेलीमा ट्रयाक्टर दुर्घटनामा दुई जनाको मृत्यु भएको छ । रंगेली नगरपालिका ३ आमतोलामा भएको दुर्घटनामा १५ जना घाइते भएको मोरङ प्रहरीले जनाएको छ ।
मोरङको ग्रामथान गाउँपालिका– ५ की ६० वर्षीया वैशाखी चौधरी र सोही ठाउँकी २५ वर्षीया रीता कुमारी माझीको मृत्यु भएको मोरङ ट्राफिक प्रहरी प्रमुख प्रहरी निरीक्षक सुनिल श्रेष्ठले जानकारी दिए ।
वैशाखी कुमारीको घटनास्थलमै र रीताको विराटनगरस्थित गोल्डेन अस्पतालमा उपचारका क्रममा मृत्यु भएको प्रहरीले जनाएको छ ।
तेतरीया आमतोला भित्री सडकखण्ड हुँदै पूर्वतर्फ गइरहेको प्रदेश १–०१–००१ त ९५५३ नम्बरको ट्रयाक्टर अनियन्त्रित भएर दुर्घटना परेको हो ।
.प्रहरीका अनुसार घाइतेमध्ये केहीको अवस्था गम्भीर रहेको छ । उनीहरूको रंगेली र विराटनगरका विभिन्न अस्पतालमा उपचार भइरहेको छ ।
ट्रयाक्टर चालक ग्रामथान ५ का बालक माझी फरार रहेको र उनको खोजी तीव्र पारिएको प्रहरीले जनाएको छ । उनीहरू रंगेलीमा रहेको सन्सारीमाई मन्दिरमा पूजा गर्न हिाडेका थिए ।
