०३ असार २०८३, बुधबार
मलेसियाको लंकावी टापुमा ६ वर्षका एक बालकले कार चलाएर खेलौना गाडी किन्न गएको घटना सार्वजनिक भएको छ ।
ती बालकले कारमा तीन वर्षका भाइलाई पनि कारमा राखेका थिए । घरबाट लगभग साढे दुई किलोमिटरम्म कार गुडेको थियो अनि पछि एउटा बिजुलीको खम्बामा ठोकिएको थियो । दुर्घटनामा कारको बोनेट भत्किएको छ ।
यी बच्चाहरूकी आमा बाथरूममा अनि बुवा सुतिरहेको बेलामा उनीहरू कार लिएर घरबाट निस्केका थिए ।
उद्धार गर्न गएका मानिसहरूलाई बच्चाहरूले चिच्याएर आफू खेलौना कार किन्न गएको बताएका थिए ।
प्रहरीले दाजुभाइको नाम सार्वजनिक गरेको छैन । दाइको चिउँडोमा चोट लागेको अनि भाइ सुरक्षित रहेको प्रहरीले जानकारी दियो ।
