१९ असार २०८३, शुक्रबार
सामाजिक सञ्जाल ट्विटरका मालिक इलोन मस्कले यसको जिम्मेवारी एक महिलाले सम्हाल्ने घोषणा गरेका छन् ।
महिला प्रमुख कार्यकारी अधिकारी (सीईओ) लाई जिम्मेवारी दिएर आफू कार्यकारी अध्यक्ष तथा प्रमुख प्राविधिक अधिकारी (सीटीओ) को भूमिकामा रहने भनी मस्कले ट्वीट गरी जानकारी दिए ।
Excited to announce that I’ve hired a new CEO for X/Twitter. She will be starting in ~6 weeks!
My role will transition to being exec chair & CTO, overseeing product, software & sysops.
मस्कको यो घोषणापछि ती महिला सीईओ को हुन् भनी चर्चा शुरू भएको छ । सबभन्दा बढी चर्चा लिन्डिया याकारिनोको छ ।
उनी एनबीसीयुनिभिर्सलमा विगत एक दशकभन्दा बढी समयदेखि कार्यरत छिन् । उनले विज्ञापनको प्रभावकारितालाई थप राम्रो तरिकाले मापन गर्नुपर्ने भनी पैरवी गर्दै आएकी छन् ।
पेन स्टेट विश्वविद्यालयबाट लिबरल आर्ट्स र टेलिकम्युनिकेशन्समा उनले पोस्टग्राजुएट गरेकी हुन् ।
याकारिनोले मस्कसँग अप्रिलमा मायामीमा आयोजित एक विज्ञापन सम्मेलनमा अन्तर्वार्ता गरेकी थिइन् । मस्कको काम गर्ने तरिकाको उनले प्रशंसा गरेकी थिइन् ।
