सरकारले  ढिलै  भए  पनि  योगदानमा  आधारित सामाजिक सुरक्षा कोषमा अनौपचारिक तथा स्वरोजगार क्षेत्रका श्रमिकलाई पनि समेट्ने भएको छ । कोषले बुुधबारदेखि अनौपचारिक तथा  स्वरोजगार  क्षेत्रका  श्रमिकलाई  समेट्न  तयारी गरेको हो । उक्त  कार्यव्रmमको  सुुरुवात  प्रधानमन्त्री  पुुष्पकमल दाहाल ‘प्रचण्ड’ ले बुुधबार गरेपछि शुुभारम्भ हुुने जनाइएको छ । 

कोषका सहप्रवक्ता रोहित रेग्मीले कार्यविधि अनुसार गत वैशाख १ देखि नै सुुरु गर्नुुपर्ने भए पनि प्रधानमन्त्रीको समय नमिलेकाले ढिला भएको जानकारी दिए । अनौपचारिक र स्वरोजगार क्षेत्रमा सबैतिर एकै पटक गर्न नसकिने भएकाले केही पालिकासँग सम्झौता (एमओयुु) गरेर कोषमा आबद्ध गराउन थालिने जानकारी दिए । 
अनौपचारिक   क्षेत्रका   श्रमिक   र   स्वरोजगारमा  रहेका  व्यक्तिको  सामाजिक  सुरक्षा  सञ्चालन  कार्यविधि  २०७९  गएको  माघमै सार्वजनिक गरिएको थियो । सो कार्यविधि तत्कालीन  श्रम,  रोजगार  तथा  सामाजिक  सुरक्षामन्त्री  शेरबहादुर  कुँवरले  सार्वजनिक  गरेका हुन् । 
स्वीकृत कार्यविधि अनुसार अनौपचारिक क्षेत्रका श्रमिकहरूले सरकारले तोकेको आधारभूत  पारिश्रमिकको  २०.३७  प्रतिशत  रकम  अर्थात् एक हजार ९१२ रुपियाँ कोषमा योगदान गर्नुपर्ने छ । जसमध्ये ११ प्रतिशत रकम श्रमिक आफैँले जम्मा गर्नुपर्ने छ भने बाँकी ९.३७ प्रतिशत सरकारले जम्मा गरिदिने व्यवस्था कार्यविधिमा छ । तर केन्द्र, प्रदेश तथा स्थानीय सरकारले उक्त रकम जम्मा नगरिदिने अवस्थामा योगदानकर्ता आफैँले जम्मा गर्नुपर्ने उल्लेख छ । गोरखापत्रमा खबर छ ।