०७ असार २०८३, आइतबार
अमेरिकाको न्यूयोर्कमा सम्पन्न छैटौँ ग्लोबल नेपाली फिल्म अवार्डमा सर्वोत्कृष्ट अभिनेतातर्फको पुरस्कार अभिनेता अनमोल केसीले जितेका छन् ।
यसैगरी सर्वोत्कृष्ट अभिनेत्रीको पुरस्कार स्वस्तिमा खड्काले जितेकी छिन् ।
यसैगरि चरित्र अभिनेता पुरुषतर्फ वरिष्ठ कलाकार सुनिल थापा तथा चरित्र अभिनेत्रीको पुरस्कार प्रियङ्का कार्कीलाई प्रदान गरिएको छ ।
चलचित्र दीर्घ साधना सम्मान ४० वर्ष सम्म चलचित्र उद्योगमा योगदान गरे बापत शिव श्रेष्ठलाई प्रदान गरिएको छ ।
यसैगरी उत्कृष्ट गायिकाको उपाधि प्रविशा अधिकारीलाई पुरस्कार प्रदान गरिएको छ भने उत्कृष्ट नृत्य निर्देशकको पुरस्कार शिव बिकलाई प्रदान गरिएको छ ।
यस्तै अभिनेता सरोज खनाललाई चलचित्र सिद्धि पुरस्कार प्रदान गरिएको छ ।
सर्वोत्कृष्ट डायस्पोरा चलचित्रको पुरस्कार भने लक्का जवानले जितेको छ ।
शनिवार क्विन्सको मेलरोज बलरुममा सम्पन्न पुरस्कार समारोहमा विभिन्न विधा अन्तर्गत चलचित्र तथा कलाकर्मी मध्ये सर्वोत्कृष्टलाई पुरस्कार वितरण गरिएको हो ।
