×

धमाधम बयान लिँदै आयोग

सुन तस्करी जाँचबुझ आयोगले २२ जनासँग लियो बयान, महरालाई बोलाउने तयारी​

चिनियाँसँग बयानका लागि दोभाषे खोजिँदै

काठमाडाैं | मंसिर २१, २०८०

सुनको अवैध पैठारी (तस्करी) नियन्त्रणसम्बन्धी जाँचबुझ आयोगले विभिन्न व्यक्तिहरूसँग बयान लिइरहेको छ । आयोगले पूर्वसभामुख एवं नेकपा माओवादी केन्द्रका नेता कृष्णबहादुर महरासँग समेत बयान लिने तयारी गरेको छ ।

गत असोज १५ गते गठन भएको आयोगले अहिलेसम्म २२ जनाको बयान लिएको आयोगका अध्यक्ष डिल्ली आचार्यले जानकारी दिए । ‘हामीले अहिलेसम्म २२ जना व्यक्तिहरूको बयान लिइसकेका छौं,’ आयोगका अध्यक्ष आचार्यले लोकान्तरसँग भने ।


Advertisment

आयोगका अध्यक्षका अनुसार पहिलो चरणमा सुन प्रकरणमा जोडिएका कारागार र प्रहरी हिरासतमा रहेका व्यक्तिहरूको बयान लिन थालिएको हो । 


Advertisment

पछिल्लो समयमा आयोगले पूर्व सभामुख कृष्णबहादुरका छोरा राहुल महरालाई बयानमा बोलएपछि आयोग सक्रिय देखिएको हो ।

अनुसन्धानका लागि ३ महिनाको समय अवधि पाएको आयोगसँग अब एक महिना मात्रै बाँकी छ ।

अध्यक्ष आचार्यका अनुसार आयोगले अबको एक महिनामा बाँकी रहेका काम सकेर सरकारलाई प्रतिवेदन बुझाउनेछ ।

आयोगले अर्को चरणमा कारागारमा रहेका चिनियाँ नागरिकहरूको बयान लिने तयारी गरेको छ । ‘हामीले कारागारमा रहेका नेपालीहरूको बयान सकेपछि दोस्रो चरणको बयान चिनियाँ नागरिकहरूसँग लिने तयारी गरेका छौं,’ अध्यक्ष आचार्यले लोकान्तरसँग भने । 

उनका अनुसार चिनियाँ नागरिकहरूसँग कुराकानी गर्नका लागि दोभाषेको प्रयोग गरिनेछ । पछिल्लो समयमा नेपालीहरूले लगानी गरेर वा नेपालीको प्रत्यक्ष संलग्नतामा सुन तस्करी देखिएको छैन । 

चिनियाँ नागरिकहरूले नेपालीलाई प्रयोग गरेर सुन तस्करी हुन थालेपछि उनीहरूसँगको बयान महत्वपूर्ण हुने बुझाइ आयोगको छ । ‘पछिल्लो समयमा चिनियाँहरूको प्रत्यक्ष संलग्न देखिएको छ त्यसैले उनीहरूको बयानले निकै महत्व राख्छ,’ आचार्यले लोकान्तरसँग भने, ‘अब भाषाले अलिकति समस्या निम्त्याउँछ कि भन्ने तर हामीले दोभाषे प्रयोग गर्दा सहजै होला भन्ने छ ।’

आयोगले दक्षिणी सीमा नाकाहरूको भ्रमण गरेको छ । असोज ७ गतेपछि रसुवाको तातोपानी नाकामा निरीक्षण भ्रमण गरेको छ । त्यहाँ प्रहरी, भन्सारका अधिकारी र अध्यागमनका कर्मचारीहरूसँग छलफल गरेको छ । 

आयोगका अध्यक्ष आचार्यका अनुसार भन्सारको अनुगमन गर्दा त्यहाँ ठूलो मात्रामा विद्युतीय चुरोट (भेप) भण्डारण गरिएको पाइएको थियो । ‘हामीले त्यहाँ भएको भेपको नमूना संकलन गरेर परीक्षण गर्‍यौं । ४ वटामा गरिएको परीक्षणमा सुन भेटिएको छैन,’ अध्यक्ष आचार्यले लोकान्तरसँग भने ।

उनका अनुसार तातोपानी नाकामा सामान्य मेटल डिक्टेटर पनि नभएको अवस्था छ । भन्सारका कर्मचारीहरूले आँखाले हेरेको भरमा सामानहरूलाई पास गराउने गरेका छन् । त्यहाँको अवस्था हेर्दा राज्यको आभास हुने खालका कुनै पनि भौतिक संरचना र प्राविधिक चिजवस्तुहरू नभएको पाइएको अध्यक्ष आचार्यले लोकान्तरलाई बताए । 

तातोपानी नाकाको अध्यागमन विभागमा ९ जनाको दरबन्दीमा २ जनाले काम गर्ने गरेको देखिएको उनले बताए । त्यसको तुलनामा चीनतर्फ अत्याधुनिक प्रविधिको प्रयोग गरेर चेकजाँच गर्ने गरेका छन् ।

‘राज्यले भौतिक संरचनाहरू उपलब्ध नगराएर तस्करीका लागि छाडिदिएको जस्तो देखिन्छ,’ अध्यक्ष आचार्यले लोकान्तरसँग भने । उनले मलद्वारमा लुकाएर ल्याउने वा अन्य कुनै ठाउँमा लुकाएर ल्याएको सुन त्यहाँको अध्यागमन विभाग वा प्रहरी संयन्त्रले थाहा पाउनसक्ने अवस्था नभएको बताए ।

आयोगले त्रिभुवन अन्तर्राष्ट्रिय विमानस्थलको पनि अनुगमन गरेको छ ।

त्यहाँ अनुगमन गर्दा सुन लगायतका सामानहरू स्क्यान गर्नका लागि मेसिनहरू आएका तर प्रयोग नगरेर त्यत्तिकै थन्क्याएर राखेको अवस्थामा भेटिएको अध्यक्ष आचार्यले बताए । ‘भन्सारको गोदाममा स्क्यान मेसिन थियो । कहिले आएको हो, त्यो पनि एकिन तथ्याङ्क भेटिएन र प्रयोग नगरेर थन्किएको अवस्थामा थियो,’ उनले लोकान्तरसँग भने ।

कृष्णबहादुर महरा लगायतसँग बयान लिने तयारी

केन्द्रीय अनुसन्धान ब्यूरो (सीआईबी)ले गरेको अनुसन्धानमा पुगेर पनि छानबिन गर्न पाउने अधिकार पाएको आयोगले सुनसँग जोडिएका आएका व्यक्तिहरूसँग पनि बयान लिने तयारी गरेको छ ।

आयोगले कारागार भएका व्यक्तिहरूको बयान र चिनियाँहरूसँगको बयान सकिएपछि नाम जोडिएर आएका व्यक्तिहरूसँग पनि बयान लिने तयारी गरेको  आयोगका अध्यक्ष डिल्ली आचार्यले लोकान्तरलाई बताए । ‘हामीले विभिन्न नाम जोडिएका आएका व्यक्तिहरूसँग पनि बयान लिने तयारी गरेका छौं,’ उनले भने ।

आयोगले पूर्व सभामुख कृष्णबहादुर महरा, अहिले बागमती प्रदेशका मन्त्री तिर्थ लामालगायत सञ्चार माध्यममा नाम आएका व्यक्तिहरूसँग बयान लिने तयारी  गरेको उनले बताए । 

सुन तस्करीमा संलग्न चिनियाँ नागरिकसँग पूर्वसभामुख महराले पटक–पटक फोनमा कुरा गरेको तथ्य बाहिरिएको थियो । सुन तस्करसँग महराको टेलिफोन संवादलाई लिएर संसदमा विपक्षी दलले चर्को आवाज उठाएका थिए । 

नेपालमा पछिल्लो समयमा सुन तस्करी बढेपछि सरकारले त्यसलाई छानबिन गर्नका लागि पूर्व न्यायाधीश डिल्ली आचार्यको अध्यक्षतामा असोज १५ गते आयोग गठन गरेको थियो ।

विशेष गरेर गत साउन २ गते त्रिभुवन अन्तर्राष्ट्रिय विमानस्थलको भन्सारबाट ६०.७१६ केजी सुन भित्रिएपछि सर्वत्र विरोध भएपछि सरकारले सुन आयोग बनाएको हो । 

प्रतिपक्षमा रहेको नेकपा एमाले लगायतका दलहरूले सुनका विषयमा संसदमै विषय उठाउन गरेपछि सरकारले असोज १६ गतेबाट काम गर्ने गरी आयोग बनाएको थियो ।

मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

जेठ १०, २०८१

मुगु– मुगुस्थित रारा विमानस्थलमा जहाजले ठक्कर दिँदा सोही विमानस्थलमा कार्यरत एक कर्मचारी घाइते भएका छन् । यात्रु बोकेर बाँकेको नेपालगञ्जका लागि उड्ने तयारीमा रहेको सीता एयरको टुइनेटर जहाजको अघिल्लो भ...

जेठ १३, २०८१

जिल्ला प्रहरी परिसर ललितपुरको महिला सेलमा सानेपाकी विपना तामाङ (नाम परिवर्तन) उजुरी लिएर पुगिन् । श्रीमान ९ दिन भयो घर आएका छैनन्, तर फोन सम्पर्कमा छन् ।  एक महिनाअघि सेलमा निवेदन लिएर पुगेकी विपनाक...

कात्तिक १७, २०८०

 काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ ।  सामाजिक सञ्जालबाट ‘कल गर्ल’ उपल...

पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

कात्तिक २२, २०८०

पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

x