सिरहाको लहान नगरपालिका र सगरमाथा चौधरी आँखा अस्पतालबीच निःशुल्क मोतियाविन्दुको शल्यक्रियाका लागि सम्झौता भएको छ ।

सम्झौताअनुसार एक हजार लहानवासीको निःशुल्क शल्यक्रिया गरिनेछ ।

सम्झौता पत्रमा नगरप्रमुख महेश चौधरी र अस्पताल सञ्चालक समिति अध्यक्ष रवीन्द्रलाल चौधरीले हस्ताक्षर गरेका छन् ।

नगरपालिकाको आर्थिक सहयोग र अस्पतालको प्राविधिक सहयोगमा लहानका  वडामा निःशुल्क आँखा जाँच शिविर सञ्चालन गरिनेछ । 

लहान नगरपालिकाले गत वर्ष पनि एक हजार जनाको मोतियाविन्दुको शल्यक्रिया र सात हजारभन्दाबढीको जाँच उपचार गराएको थियो ।