×

NMB BANK
NIC ASIA

सरकारी जग्गा देख्नै नहुने

बाँसबारी मात्र हैन राजधानीकै अन्य स्थानमा विनोद चौधरीले हडपे जग्गा, बयान छल्न देशबाहिर [भाग ६]

काठमाडाैं | फागुन ४, २०८०

NTC
Sarbottam
Premier Steels
Marvel

बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए ।

Muktinath Bank

५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग गण्डकको बाढीबाट नेपालले बेहोर्नुपरेको क्षतिबारे छलफल भएको भन्दै तस्वीरसमेत पोस्ट गरे ।


Advertisment
RMC TANSEN
IME BANK INNEWS
shivam ISLAND

भारतका केन्द्रीय मन्त्रीसँग भेटेपछि नवलपरासीवासीले भोग्दै आएको समस्या न्यून गर्न सकिने विश्वास लिएको उनको दाबी थियो । तर, यथार्थमा विनोद चौधरी भारतीय मन्त्री या अन्य कुनै अधिकारीसँग द्विपक्षीय औपचारिक छलफलका लागि भारत पुगेका होइनन् ।


Advertisment
Nabil box
Kumari

लोकान्तरले 'जलस्रोतसम्बन्धी कुनै विषयमा छलफल गर्न कांग्रेस सांसद विनोद चौधरीलाई औपचारिक रूपमा भारत पठाइएको हो र ?' भन्दै प्रधानमन्त्री कार्यालयमा प्रश्न गरेको थियो ।

Vianet communication
Laxmi Bank

प्रधानमन्त्री कार्यालयले विनोद चौधरी भारत गएको/या नगएकोबारे अनविज्ञता प्रकट गर्‍यो । 'कुनै सांसदलाई भारत पठाएर जलस्रोतसम्बन्धी छलफल गर्ने कुनै कार्यक्रम छैन । विनोद चौधरी आफैंले पनि म भारत गएर औपचारिक भेटवार्ता गर्छु भनेर प्रधानमन्त्री कार्यालय या परराष्ट्र मन्त्रालयमा जानकारी गराएका छैनन् । उनी आफ्नो हिसाबले गए होलान्, त्यसबारे थाहा भएन,' प्रधानमन्त्री कार्यालयका एक अधिकारीले भने ।

यद्यपि केन्द्रीय अनुसन्धान ब्यूरो(सीआईबी)ले बाँसबारी छालाजुत्ता कारखानाको १० रोपनी जग्गा हडपेको विषयमा विनोद चौधरीको बयान लिने तयारी गरिरहेका बेला उनी सुटुक्क भारत छिरेर त्यहाँ राजनीतिक भेटघाट गर्नुले केही शंका उब्जाएको छ ।

सीआईबीका एक अनुसन्धान अधिकृतले भने, 'उहाँको बयान लिने तयारी भइरहेको छ तर उहाँ अहिले नेपालमा नरहेको हाम्रो प्रारम्भिक निष्कर्ष छ । उहाँको मुभमेन्ट हामी पनि हेर्दैछौं ।'

null

सीआईबीकै अनुसन्धान अधिकृतको भनाइलाई आधार मान्ने हो भने पनि चौधरी बयान छल्न शक्तिकेन्द्रलाई प्रभाव पार्ने उद्देश्यले भारत गएर राजनीतिक भेटघाट गरिरहेको पुष्टि हुन्छ ।

स्रोतका अनुसार विनोद चौधरीले बाँसबारी छालाजुत्ता कारखानाको जग्गा हिनामिना प्रकरणलाई लिएर मात्र त्रसित छैनन्, देशैभर करिब आधा दर्जन ठाउँमा सरकारी जग्गा हडपेको आरोप उनीमाथि छ ।

'जुनसुकै जग्गाको मुद्दालाई लिएर पक्राउ पर्न सक्ने भय उहाँमा देखिन्छ,' नेपाली कांग्रेसका एक केन्द्रीय सदस्यले लोकान्तरसँग भने, 'जतिसुकै हाइप्रोफाइल भए पनि सरकारी जग्गा हिनामिनामा कसैलाई नछोड्न हाम्रो महामन्त्रीले संसदबाटै अनुरोध गरिसक्नुभएको छ । उनले गरेको हिनामिनाको छानबिन गर्नेबारे गठबन्धन सरकारमा दुईमत छैन ।'

विनोद चौधरीले कहाँ–कहाँ हडपेका छन् जग्गा ?

१. बाँसबारीछालाजुत्ताकारखानाको १० रोपनी जग्गा

पछिल्लो समय सबैभन्दा बढी चर्चित प्रकरण हो, बाँसबारी छालाजुत्ता कारखानाको १० रोपनी जग्गा ।

विनोद चौधरीले उक्त जग्गा हडप्न आफ्नै सक्रियतामा २०४३ सालमा आफू, आफ्नो बुवा र परिवारका अन्य सदस्यहरू सेयर होल्डर रहने गरी च्याम्पियन फूटवेयर कम्पनी खडा गरेका थिए ।

कारखानाका तत्कालीन कार्यकारी प्रमुख अजितनारायण सिंह थापालाई प्रभावमा पारी १० रोपनी जग्गा च्याम्पियन फूटवेयरको नाममा नामसारी गर्ने र बदलामा २५ सय कित्ता सेयर कारखानालाई दिने गैर-कानूनी सम्झौता गरियो ।

जग्गा हडपेपछि च्याम्पियन फूटवेयरले जुत्ता उत्पादन बन्द गर्‍यो । २०५४ सालमा नाटकीय ढंगबाट च्याम्पीयन फूटवेयर लिमिटेडलाई प्रालि बनाइयो र बाँसबारीको नाममा रहेको २५ सय कित्ता गायब पारियो ।

२०७४ सालमा चौधरी परिवारको अंशबन्डा हुँदा उक्त च्याम्पियन फूटवेयर कम्पनी विनोद चौधरीका सहोदर भाइ अरुण चौधरी र उनकी श्रीमती शीला चौधरीको नाममा पर्‍यो ।

२०७८ सालमा कम्पनीको नाम नै परिवर्तन गरेर सीजी चाँदबाग रेजिडेन्सी प्रालि राखियो ।

गैर-कानूनीरूपमा जग्गा हडपेर विनोद चौधरीले अंशबन्डाका क्रममा भाइको भागमा पारे पनि सो जग्गामा आफैंले सीजी चाँदबाग स्कूल चलाइरहेका छन् ।

सोही कसूरमा सीआईबीले गत माघ १८ गते अरुण चौधरी, बाँसबारीका तत्कालीन कार्यकारी प्रमुख अजितनारायण सिंह थापा र अम्रपाली कन्स्ट्रक्सनका सञ्चालक सञ्जय ठाकुरलाई गिरफ्तार गरी ५ दिन हिरासतमा राखेको थियो ।

जिल्ला अदालतले पक्राउ परेका अभियुक्तहरूलाई हिरासतबाहिरैबाट मुद्दा लड्ने सुविधा दिएको छ ।

२. भैँसेपाटीस्थित सीजी हिल्सको नाममा पनि सरकारी जग्गा !

विनोद चौधरीको कम्पनी सीजी हिल्सले ललितपुरको भैँसेपाटीमा निर्माण गरिरहेको हाउजिङ परियोजनासम्म पुग्ने बाटोको जग्गा कब्जा गरिएको छ । यसको विरोधमा स्थानीय आन्दोलनमा छन् ।

भैँसेपाटीको भित्री र भिरालो ठाउँमा सस्तोमा जग्गा किनेको चौधरी स्वामित्वको सीजी हिल्स नामक कम्पनीले त्यहाँसम्म पुग्ने बाटो नभएपछि सरकारी जग्गा कब्जा गरेको हो ।

अहिले त्यही सरकारी जग्गालाई चाहिँ 'बाटो चौडा भएको' भन्दै प्रचार गरेर हाउजिङअन्तर्गत निर्माण गरिएका घरहरू बेच्न शुरू गरिएको छ ।

एक स्थानीयले लोकान्तरसँग भने, 'हाउजिङ त बनायो तर त्यहाँ सरकारी जग्गा हुँदै जानुपर्छ । विनोद चौधरीले एकजना व्यक्तिको ८ आना २ पैसा जग्गा किनेर बाटो खोल्यो । त्यससँगै जोडिएको ५ रोपनी २ आना सरकारी जग्गा पनि कब्जा गरियो ।'

उनले उक्त सरकारी जग्गा कब्जा गर्न रातारात मालपोत, नापी कार्यालय र जनप्रतिनिधिले पनि साथ दिएको उनको आरोप छ । २०७६ को पुसमा फास्ट ट्रयाकबाट कित्ता नम्बर ६५ रहेको उक्त सरकारी जग्गा विनोद चौधरीको स्वामित्व रहेको सीजी हिल्सको नाममा ल्याइएको थियो ।

उक्त कार्यविरुद्ध स्थानीय सुरेश थापा, परमेश्वर थापा, तारा बराल र रामभक्त पाण्डेले उच्च अदालत पाटनमा मालपोतका कर्मचारीविरुद्ध मुद्दासमेत हालेका थिए ।

अदालतमा उक्त मुद्दा विचाराधीन छ भने त्यतिबेलै अख्तियारमा परेको मुद्दा पनि अहिले तामेलीमा राखिएको एक स्थानीयको भनाइ छ ।

३. चौधरीले झ्वाम पारेको बाटो फिर्ता गर्न संघर्षरत सतुंगलबासी

विनोद चौधरीले तत्कालीन अधिराजकुमार धीरेन्द्र शाहसँग मिलेर एपोलो स्टील कारखाना खोल्ने नाममा सतुंगलको तत्कालीन गाउँ पञ्चायत वडा नम्बर ८ का ८१ वर्षीय गणेशबहादुर श्रेष्ठबाट २ लाख १२ हजारमा ४ कित्ता जग्गा खरिद गरेका थिए । चारै कित्तामा पूर्व र दक्षिणतर्फ गोरेटो बाटो थियो ।

जग्गा किनेको एक वर्षपछि चौधरीले चारवटै कित्ताको पूर्वतर्फ रहेको बाटो बन्द गरिदिए ।

एक स्थानीय भन्छन्, 'अहिले विनोद चौधरीले हडपेको बाटो करोडौं रुपैयाँ मूल्य बराबरको जग्गामा छ । पैसा भन्दा पनि हामी हिँड्दै आएको बाटो बन्द नगरिदिन माग गरेर हामी अड्डा अदालत, मालपोत धायौं, तर चौधरी समूहले उक्त बाटो फिर्ता गरेको छैन ।

विनोद चौधरीले हडपेको उक्त बाटो फिर्ता ल्याउन ४ दशकदेखि सतुंगलवासी संघर्षरत छन् ।

ललितपुर पुल्चोकस्थित जग्गाबारे उल्लेख भएको प्रसंगमा थप तथ्य र प्रमाणहरू 'भेरिफाई' गर्नुपर्ने भएकाले तत्कालका लागि हटाइएको छ । - सम्पादक

यसबाहेक नवलपरासीको देवचुली नगरपालिका-२ मा रहेको सीजी इन्डस्ट्रियल पार्कले पनि सार्वजनिक जग्गा अतिक्रमण गरेको आरोप लागेको छ ।

चौधरी समूहले उल्लेखित मात्र नभएर देशैभरि अन्य धेरै ठाउँमा सरकारी जग्गा अतिक्रमण र कब्जा गरेर आफ्नो व्यापारिक साम्राज्य फैलाएको नेपाल सरकारका एक पूर्व सचिवले दाबी गरे ।

'तपाईंले जम्मा ६/७ ठाउँको जग्गा देख्नुभएको छ,' उनले लोकान्तरसँग भने, 'त्यो बाहेक खोज्ने हो भने पचासौं ठाउँमा विनोद चौधरी र उनको परिवारले सरकारी जग्गा हडपेको छ । तपाईंहरू खोज्दै जानुस्, योभन्दा धेरै भेट्नुहुनेछ ।'

हेर्नुहोस्, सम्बन्धित समाचार :

बयान छल्न अनेक तिकडम गर्दै विनोद चौधरी, जसरी पनि बोलाउने सीआईबीको तयारी [भाग- ५]

चौधरी समूहले जालसाजी गरेर हडपेको जग्गाको मूल्य झण्डै २ अर्ब [भाग- ४ ड्रोन भिडियोसहित]

ललितानिवासमा स्थापित तथ्य : बाँसबारी जग्गा घोटालामा विनोद चौधरी उम्किने ठाउँ छैन [भाग- ३]

बाँसबारीको जग्गा हडप्दा शेयरमा अरुण बराबरकै हिस्सेदार थिए विनोद चौधरी [प्रमाणसहित] भाग- २

बाँसबारी जग्गा प्रकरण– हडपेको जग्गा भाइलाई सुम्पेर विनोद चौधरी उम्किन मिल्छ ? [भाग- १]

hAMROPATRO BELOW NEWS
TATA Below
मंसिर १८, २०८०

प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...

पुस २६, २०८०

यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...

मंसिर ५, २०८०

संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...

माघ २४, २०८०

काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

'एमाले यो सरकारको धरौटीमा छ, बजेट सहमतिमै बन्छ'

'एमाले यो सरकारको धरौटीमा छ, बजेट सहमतिमै बन्छ'

बैशाख ७, २०८१

हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...

उल्लासविहीन नयाँ वर्ष, चंगुलमा परेको लोकतन्त्र

उल्लासविहीन नयाँ वर्ष, चंगुलमा परेको लोकतन्त्र

बैशाख ६, २०८१

सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

x