बैंक तथा वित्तीय संस्था परिसंघ नेपाल (सीबीफीन)ले बैंक तथा वित्तीय संस्थासँग जोडिएर आएका समाचारप्रति आफ्नो ध्यानाकर्षण भएको जनाएको छ ।​​

सीबीफीन आइतवार एक विज्ञप्ति जारी गर्दै बैंक तथा वित्तीय संस्थाहरूको साख, गरिमा, विश्वसनीयतामा ठेस पुर्‍याउने सामग्रीप्रति आफ्नो ध्यानाकर्षण भएको जनाएको हो ।

‘विभिन्न अफबाह फैलाउने र आशंका एवं अविश्वास बढाउने खालका समाचारहरू सम्प्रेषण गर्ने कार्यहरूप्रति सीबीफीनको गम्भीर ध्यानाकर्षण भएको छ’, जारी विज्ञप्तिमा भनिएको छ ।

साथै बैंक तथा वित्तीय संस्थाहरू सवलीकरण र पारदर्शीरुपमा सञ्चालनका लागि विभिन्न कानूनले बाँधिएको पनि सीबीफीनले जानकारी दिएको छ । 

‘सवल नियमनकारी निकायको सूक्ष्म निगरानीमा तथा प्रचलित कानून तथा नियमनकारी निकायले जारी गरेका नीति–निर्देशनहरूका अक्षरश  पालना गर्दै संचालित बैंक तथा वित्तीय संस्थाहरूको अत्यन्त सवलीकरण र पारदर्शीरुपमा संचालन हुने सुनिश्चितता गर्न देहाय बमोजिमको कानूनी व्यवस्था लागू गरिएको तथ्य जग जाहेर नै छ’, जारी विज्ञप्तिमा भनिएको छ ।

यस्तो छ सीबीफीनको विज्ञप्ति