प्रधानमन्त्री केपी शर्मा ओली गुरुपूर्णिमाको अवसरमा शुभकामना दिँदै उज्यालोको खोजी नै जीवनको खोजी भएको बताएका छन् । 

उनले आज (आइतवार) बिहान सामाजिक सञ्जालमार्फत शुभकामना दिँदै भनेका छन्, ‘उज्यालोको खोजी नै जीवनको खोजी । जीवनको खोजीमा उज्यालो देखाउने सबै गुरुहरूलाई नमन ! गुरुपूर्णिमाको शुभकामना !!’

आषाढ शुक्ल पूर्णिमाका दिन आज गायत्री, दीक्षा, वेद मन्त्र सुनाउने र शिक्षा दिने गुरुजनप्रति सम्मान भाव प्रकट गरी गुरुपूर्णिमा पर्व मनाइँदैछ ।

‘गु’को अर्थ अन्धकार र ‘रु’ भन्नाले प्रकाश बुझिन्छ । ज्ञानरुपी प्रकाशले अज्ञानरुपी अन्धकारको नाश गराउने व्यक्तिलाई गुरु भनिने तन्त्रशास्त्र र धर्मशास्त्रका पुस्तकमा उल्लेख गरिएको धर्मशास्त्रविद् एवं नेपाल पञ्चाङ्ग निर्णायक समितिका सदस्य प्राडा देवमणि भट्टराईले बताए ।

गुरुपूर्णिमा र व्यास जयन्ती मनाइँदै