०३ असार २०८३, बुधबार
वर्षायामसँगै हैजाको प्रकोप फैलिएको छ। हालसम्म विभिन्न जिल्लामा गरी २५ जनामा हैजा पुष्टि भएको छ।
इपिडिमियोलोजी तथा रोग नियन्त्रण महाशाखाका अनुसार काठमाडौं, ललितपुर, कैलाली, प्युठान जिल्लामा हैजाको प्रकोप देखिएको हो । महाशाखाका निर्देशक डा. यदुचन्द्र घिमिरेले कल्चरबाट २५ जना व्यक्तिमा हैजा पुष्टि भएको बताए ।
एक साताअघि ललितपुरमा पुष्टि भएको हैजा प्रकोपका रूपमा बढ्न थालेको छ। शुक्रबार मात्रै ललितपुरमा थप दुई जनामा हैजा देखिएको छ।
