भारतीय चलचित्र नगरी बलिउडकी अभिनेत्री तथा मोडल मलाइका अरोराका बुवा अनिल अरोरा घरबाट खसेको अवस्थामा मृत भेटिएका छन् । उनी बुधवार बिहान मुम्बईको बान्द्रास्थित आफ्नो घरको तेस्रो तलाबाट झरेको अवस्थामा मृत भेटिएका हुन् ।

अनिलले आत्महत्या गरेको हुनसक्ने प्रारम्भिक अनुसन्धानले देखाएको भारतीय सञ्चारमाध्यमले प्रहरीलाई उद्धृत गर्दै जनाएका छन् ।

यस घटनापछि अरोराका पूर्वपति तथा अभिनेता अरबाज खान घटनास्थल पुगेका छन् । 

घटनाको समयमा मलाइका भने पुणेमा थिइन् । खबर सुनेलगत्तै उनी मुम्बई आएको बताइएको छ । उनका बुवा अनिलको शवलाई बाबा अस्पतालमा राखिएको छ ।