बलिउड अभिनेता गोविन्दाको आफ्नै रिभल्भरले खुट्टामा गोली प्रहार भएको छ । गोली लागेपछि उनलाई तत्काल अस्पताल लगिएको भारतीय सञ्चार माध्यमहरूले जनाएका छन् । 

मुम्बईस्थित आफ्नो घरमा रिभल्भर सफा गर्दै गर्दा उनको खुट्टामा गोली लागेको बीबीसी हिन्दीले जनाएको छ ।

बीबीको समाचारअनुसार उनकी श्रीमती सुनिता घरमा थिइनन् । उनी जयपुरमा थिइन् तर, गोली लागेको खबर सुन्नेवित्तिकै उनी त्यहाँबाट निस्किएकी छन् ।

डाक्टरहरूले उनको खुट्टाबाट गोली निकालेका छन् र अहिले उनी पूर्णतया स्वस्थ छन् रहे पनि अझै अस्पतालमै रहेको समाचारमा उल्लेख छ ।