काठमाडौं, १९ कात्तिक– एमालेले उम्मेदवार नबनाएपछि बागी उम्मेदवारी दिएकी गायीका कोमल वलीले आफ्नो उम्मेदवारी फिर्ता लिएकी छिन् ।
दाङ क्षेत्र नम्बर तीनबाट बागी उम्मेदवारी दिएकी ओलीले पत्रकार सम्मेलन गरेरै बागी उम्मेदवारी फिर्ता लिएकी हुन् ।
आयोगले उम्मेदवारी फिर्ता लिनका लागि आज दिउँसो एक बजेसम्मको समय सीमा तोकेको थियो ।
उनले उम्मेदवारी फिर्ता लिएसँगै वाम गठवन्धनका आधिकारिक उम्मेदवार हिराचन्द्र केसीलाई समर्थन रहने जनाएकी छिन् ।
पत्रकार सम्मेलनमा एमाले नेता शंकर पोखरेलले वलीको कदमको स्वागत गर्दै उनको क्षमता र योग्यतालाई राष्ट्रको हितमा प्रयोग गरिने आश्वासन दिए ।
