२७ असार २०८३, शनिबार
धेरैजसो मानिसहरू ट्वाइलेटभित्र बसेर कि मोबाइल चलाइरहेका हुन्छन् कि अखबार पढिरहेका हुन्छन्। कोही चुरोट सेवन गरिरहेका हुन्छन् । दुनियाँमा यस्ता मानिसको कमी छैन ।
तर, तपाईंलाई थाहा छैन होला कि यसरी शौचालयको कमोडमा बसेर १० मिनेटभन्दा धेरै समय व्यतीत गर्दा तपाईंलाई विभिन्न समस्या आउन सक्छ । यसका जानकारहरूले भनेका छन् कि, कमोडमा त्यति लामो समय बस्दै नबस्नुहोस् ।
युनिभर्सिटी अफ टेक्सस साउथवेस्टर्न मेडिकल सेन्टरका कोलोरेक्टल सर्जन डा लाई जूले यस्तो आदत स्वास्थ्यका लागि खतरनाक रहेको बताएका छन् । उनका अनुसार यसले मसल्समा समस्या निम्त्याउँछ । उनले आफूकहाँ आएका धेरैजसो बिरामीहरू कमोडमा धेरै समय बिताउनेवाला रहेका उल्लेख गरेका छन् ।
स्टोनी ब्रुक मेडिसिनका मेडिसिन असिस्टेन्ट प्रोफेसर डा फराह मोन्जुरले पनि कमोडमा ५/१० मिनेटभन्दा बढी समय बिताउन नहुने सुझाएका छन् । लामो समय यसरी बस्दा पेल्विक एरियामा दबाब बढ्छ । जसले घुँडाको मसल्स कमजोर बनाउँछ । यति मात्र नभएर नसाको पनि समस्या आउने उनले बताएका छन् । रगतको सर्कुलेसनमा समेत समस्या आउन सक्ने उनको भनाइ छ ।
ट्वाइलेटमा बसेर मोबाइल चलाउने व्यक्तिले समयको ध्यान दिँदैनन् । उनीहरूले कति समय बित्यो भन्ने ख्याल गर्दैनन् । उनीहरू बस्दा बस्दा मसल्समा दबाब बढ्दै जान्छ ।
'आजकाल हामीले यस्ता बिरामीको संख्या द्रुत गतिमा बढिरहेको देखेका छौं । यसले एनोरेक्टल अर्गान र पेल्विक फ्लोरमा जटिल समस्या आउँछ', प्रोफेसर डा मोन्जुरले भनेका छन् ।
त्यसैले चर्पी जाँदा मोबाइल र अखबारहरू लैजान नहुने उनको सुझाव छ ।
