सुनसरीको इटहरी उपमहानगरपालिका-२ आँपगाछीमा भएको मोटरसाइकल दुर्घटनामा एक जनाको मृत्यु भएको छ । 

इटहरीबाट धरानतर्फ छुटेको प्रदेश १-०२-०५४ प १७२ नम्बरको मोटरसाइकल अनियन्त्रित भई बुधबार दिउँसो दुर्घटना हुँदा चालक सोही उपमहानगरपालिका-२ का २४ वर्षीय निराज बजगाईंको मृत्यु भएको हो ।

दुर्घटनामा गम्भीर घाइते भएका उनको न्यूरो अस्पताल विराटनगरमा उपचारका क्रममा मृत्यु भएको प्रहरीले जनाएको छ ।