अभिनेत्री श्रद्धा कपूर खानामा निकै सौखिन छन् । उनको पछिल्लो पोस्टले यसलाई प्रमाणित गर्छ। हालै उनी एक विवाह समारोहमा सहभागी भएकी थिइन् । जसका बारे उनले केही रमाइला तस्वीर सामाजिक सञ्जालमा साझा गरेकी छन् । ती तस्वीरहरूमा उनी मज्जाले पानीपुरी खाइरहेको देखिन्छिन्।

श्रद्धा कपूर सुन्दर खैरो रंगको एथनिक पोशाकमा पोज दिँदै पानीपुरीको स्वाद लिँदै थिइन्। उनलाई पानीपुरी यति मन पर्‍यो कि कति खाएँ भन्ने गन्नै भुलिन् । पछि याद आयो विवाह समारोहमा त पानीपुरी असीमित हुन्छ।

तस्वीरहरू शेयर गर्दै उनले क्याप्सनमा लेखेकी छ्, ‘गन्न नै भुलेँ । फेरि याद आयो- बिहेमा त पानीपुरी अनलिमिटेड हुन्छ! पानीपुरी लभर्स!’

श्रद्धा कपूर रमाइला पोस्टहरू शेयर गरेर आफ्ना फ्यानहरूलाई मनोरञ्जन गराउन मन पराउँछिन्। केही दिनअघि मात्र ‘बागी’ अभिनेत्रीले इन्स्टाग्राम स्टोरीमा एउटा सुन्दर तस्वीर पोस्ट गरेकी थिइन्, जसमा उनी एउटा मेवाको कचौरा लिएर बसेकी थिइन्।

त्यस पोस्टमा उनले आफ्ना फ्यानहरूलाई एकदमै रमाइलो प्रश्न सोधिन्- ‘तपाईंलाई के लाग्छ, मैले यसमा चाट मसला राखेँ कि राखिनँ?’

त्यसपछि उनले अर्को तस्वीर शेयर गर्दै खुलासा गरिन् कि उनले मेवाबाट बनेको कचौरामा चाट मसला राखेर खाएकी थिइन्। उनले लेखिन्, ‘भगवानले पपीता चाट मसला राखेर खानकै लागि बनाएका हुन्!’

श्रद्धा कपूरका विषमा अर्को खबर पनि छ । उनी आईफा अवार्ड २०२५ को सर्वश्रेष्ठ मुख्य भूमिका (महिला) पुरस्कारका लागि मनोनीत भएकी छिन्। उनीसँगै आलिया भट्ट, कट्रिना कैफ, यामी गौतम र निताँशी गोयल जस्ता कलाकारहरू पनि मनोनयनमा परेका छन्।

यस वर्षको आईफा अवार्ड समारोह मार्च ८ र ९ मा राजस्थानको राजधानी जयपुरमा आयोजना हुँदैछ, जहाँ बलिउडका चर्चित कलाकारहरूको उपस्थिति रहनेछ।

श्रद्धा कपूर निकटभविष्यमा ‘धूम’ फ्रेन्चाइजको नयाँ फिल्ममा देखिनेछिन्। यो फिल्ममा उनी रणवीर कपूरसँग मुख्य भूमिकामा रहनेछिन्।