साताको दोस्रो कारोबार दिन सोमबार धितोपत्र बजारमा सामान्य गिरावट आएको छ । 

नेप्सेमा सोमबार शून्य दशमलव ३७ प्रतिशत गिरावट देखिएको हो ।  सेयर बजार सोमबार २,७०४ दशमलव ७० विन्दुमा बन्द भयो । 

कूल कारोबार रकम ५ अर्ब ४० करोड रूपैयाँभन्दा बढी रहेको छ भने कूल ९३ लाख ३५ हजार ८७२ कित्ता सेयर खरिदबिक्री भएको छ । 

सोमबार ८५ कम्पनीको सेयर मूल्य बढ्यो भने १४५ कम्पनीको सेयर ओरालो लागेको छ । यस्तै, १३ कम्पनीको सेयर मूल्य स्थिर रह्यो । 

बजार खुलेपछि पहिलो सत्रमा नेप्से परिसूचकले उल्लेख्य वृद्धि गरेको थियो । तर, दोस्रो सत्रपछि ओरालो लाग्दै बजार समग्रमा घट्ने क्रममा रह्यो ।