स्वतन्त्र विद्यार्थी युनियनको निर्वाचनमा मोरङको सुन्दरहरैचास्थित सुकुना बहुमुखी क्याम्पसको स्ववियु सभापतिमा अनेरास्ववियुका एलिस ओझा निर्वाचित भएका छन् । ओझाले नेविसंघका विजयी ओझालाई हराउँदै निर्वाचित भएका हुन् ।

एलिसले ९८५ मत पाउँदा विजयले ६८६ मत मात्रै पाए । क्याम्पसमा वामगठबन्धन बनाएर चुनाव भएको थियो । सचिवमा नेकपा (एकीकृत समाजवादी) निकट अनेरास्ववियुका रोहन खत्री निर्वाचित भए । खत्रीले ९१९ मत पाउँदो नेविसंघका अर्जुन दाहालले ८४१ मत पाए । 

मोरङका ४ वटा क्याम्पसमा जीत निकालेको अखिल क्रान्तिकारी सुकुनामा भने पराजित भएको छ । क्रान्तिकारीले वाम गठबन्धनबाट कोषाध्यक्षमा उम्मेदवारी दिएको थियो । क्रान्तिकारीका अनिष पौडेलले ८३४ मत पाएमात्रै पाए भने नेविसंघकी सविना थापा ९२४ मत पाएर विजयी भइन् ।  

२०४८ देखि हालसम्म यो क्याम्पसमा वामपन्थीले जित्दै आएको छ । एक पटक एमालेबाट फुटेर बनेको एकीकृत समाजवादीको अनेरास्ववियुले जितेको थियो ।  गत निर्वाचनमा अनेरास्ववियुबाट सन्तोष लिम्बुले जितेका थिए । 

यस अगाडि यज्ञ सुवेदी, राजकुमार ओझा, गोपाल श्रेष्ठ जेवि थुलुङ, भुपाल बस्नेत बद्री अर्याल सन्तोष लिम्बू सभापति भइसकेका छन् । अहिलेसम्म भएका चुनावमध्ये नेविसंघले सुकुनामा यसपटक सबैभन्दा बढी मत ल्याएको नेताहरूले बताएका छन् । 

एसिल नेकपा (एमाले) मोरङको १०औं जिल्ला अधिवेशनमा पराजित राजकुमार ओझाका छोरा हुन् । बाबुले जिल्ला अध्यक्षमा जीत निकाल्न नसक्दा छोराले जीत निकालेका हुन् । 

राजकुमार पनि यो क्याम्पसमा तीन पटक स्ववियु सभापति भएका थिए । यहाँ वामगठबन्धन बनाएर चुनाव भएको थियो । सचिवमा एकीकृत समाजवादी निकट अनेरास्ववियुका रोहन खत्री निर्वाचित भएका छन् । 

अन्य क्याम्पसमा जीत निकालेको अखिल क्रान्तिकारी सुकुनामा भने पराजित भएको छ ।