राजसंस्था फर्काउन भन्दै दुर्गा प्रसाईंको नेतृत्वमा शुक्रवार काठमाडौँको तीनकुनेमा भएको आन्दोलनका क्रममा २ जनाको मृत्यु भयो । कयौँ घाइते भए भने करोडौँको धनमालको नोक्सानी भयो । 

राजावादीको प्रदर्शनले हिंसात्मक रूप लिएपछि काठमाडौँको तीनकुने क्षेत्र रणमैदान जस्तो बन्न पुग्यो । आन्दोलनको समाचार सङ्कलनका लागि गएका एभीन्यूज टेलिभिजनका फोटो पत्रकार सुरेश रजकको मृत्यु भयो । आन्दोलनकारीले कान्तिपुर टेलिभिजन र अन्नपूर्ण पोष्टको कार्यालयमा ढुंगामुढा गरे भने पत्रकार दिनेश गौतमलाई आक्रमण गरेका छन् । 

राजावादी आन्दोलनका कमान्डर दुर्गा प्रसाईँले प्रहरी घेरा तोडेर सुरु भएको प्रदर्शनले हिंसाको रूप लिँदा तिनकुने क्षेत्रका घरमा तोडफोड र आगजनी भएको छ । प्रदर्शनकारीको आवरणमा डिपार्टमेन्ट स्टोरमा लुटपाट मच्चियो । 

तीनकुनेमा हिंसा भड्काएको आरोपमा राप्रपा वरिष्ठ उपाध्यक्ष रवीन्द्र मिश्र र महामन्त्री डा. धवलशमशेर जबरा पक्राउ परेका छन् । शुक्रवार दिनभर भएको हिंसात्मक घटना सम्बन्धमा लोकान्तर डट्कमको सम्पादकीय टिमले बहस गरेको छ । 

दिनभर फिल्डबाट रिपोर्टिङ गरेकी मल्टिमिडिया संयोजक शिखा श्रेष्ठले समाचार कक्षमा बहस गराएकी थिइन् । 

शुक्रवार दिनभर तीनकुने क्षेत्रमा के भयो ? शुक्रवारको प्रदर्शनलाई कसरी बुझ्ने ? अब सरकार र राजनीतिक दलले कस्तो रणनीति अपनाउनु पर्छ ? 

हेर्नुहोस् लोकान्तरको सम्पादकीय टिमबिच भएको भिडियो बहस: