कर्णाली स्वास्थ्य विज्ञान प्रतिष्ठानले दैलेखको राकम कर्णालीमा ५० शय्याको स्याटलाइट अस्पताल सञ्चालनको कार्ययोजना स्वीकृत गरेको छ ।

प्रधानमन्त्री निवास, बालुवाटारमा आजको बैठकबाट राकम कर्णालीमा विगतमा १५ शय्याको अस्पताल रहेकामा त्यसलाई स्तरोन्नति गर्ने नेपाल सरकार मन्त्रिपरिषद्को निर्णय कार्यान्वयनका लागि आवश्यक प्रक्रिया अघि बढाउन कार्ययोजना अनुमोदन गरेको हो । सो अस्पतालको पूर्वाधार, जनशक्ति र स्रोत सुनिश्चितताका लागि प्रतिष्ठानले नेपाल सरकार र अन्य पक्षसँग प्रस्ताव गर्नेछ ।

कार्य योजनामा विभिन्न सात प्रकारका स्वास्थ्य विशेषज्ञ सेवा प्रवाह हुने उल्लेख छ ।

अन्नपूर्ण न्यूरो अस्पतालका डा. शरदहरि गजुरेल संयोजक रहेको तीन सदस्यीय कार्ययोजना समितिले निर्माण गरेको कार्ययोजना आज स्वीकृत भएको हो ।

समिति सदस्यमा कर्णाली स्वास्थ्य विज्ञान प्रतिष्ठान जुम्लाका डा. अनुम मंगल समाल  र प्रतिष्ठानकै मकेन्द्रबहादुर शाही सदस्य रहेको उपकुलपति मंगल रावलले जानकारी दिए ।

हेर्नुहोस् कार्ययोजना :