एक वर्ष थपिने छ, यानी उमेर बढ्ने छ ।
साल लेख्दा, एक अंक थपिने छ ।
सदा झै सूर्य, पूर्वबाटै उदाउने छ ।
पानी तलै बग्नेछ, हावा चल्ने छ ।

हुन्छ यहाँ के ? नयाँ वर्ष थपिएर 
मानौं एक ऊर्जा आउनेछ भलै 
टिक्छ टिक्दैन थाहा छैन, तथापि 
केही क्षण गम्भीर हुनेछ, केही गर्छु भनेर 
तानाबाना बुनेर, एक मनुवा सोच्नेछ ।
गर्छु अवश्य केही भनेर, थाहा छैन कति अड्चन भनेर 
ऊ हिँड्छ केही गर्न लम्किन्छ, एक यात्री बनेर 
बिचरा न बढ्नु फकर्नु हुन्छ यहाँ भनेर 
नयाँ एक वर्ष थपियो, ऊर्जा सबैमा जगायो ।
एक मनुवा रमायो ,अव केही गर्छु भनेर 
योजना बुनेर मन गुनेर, तर हात बाँधिएको छ 
पाइला रोकिएको छ, अवरोध व्यवधान  बनेर ।

भत्काउँ अवरोध, खोलौं होस, मानव बनेर 
नयाँ वर्ष साच्चिकै बनाउँ, नयाँ चेत खोलेर
हरेक दिन, पल क्षण  कीमती नयाँ छ भनेर। 
जागौं जुटौं, नयाँ वर्ष भोग्न, कर्मशील बनेर