२९ जेठ २०८३, शुक्रबार
नेपालको पिज्जा ब्रान्ड पिज्जा हटले ललितपुरको प्रमुख व्यापारिक केन्द्र लबिम मलमा नयाँ स्टोरको उद्घाटन गर्दै आफ्नो सेवा विस्तार गरेको छ ।
पिज्जा हट नेपालको लागि आधिकारिक फ्रेन्चाइजी, देवयानी इन्टरनेशनल नेपाल प्रालिद्वारा सञ्चालनमा ल्याइएको यो नयाँ स्टोर ललितपुर जिल्लाको पहिलो पिज्जा हट शाखा हो ।
यो स्टोर काठमाडौं उपत्यकाभित्रको छैटौं र देशभर नवौं शाखा हो, जसले पिज्जा हटको देशव्यापी विस्तारलाई अझ सुदृढ बनाएको कम्पनीको दाबी छ ।
पिज्जा हट लबिम मल स्टोर बिहान ११ बजेदेखि राति ११ बजेसम्म खुला रहनेछ । १३७० वर्गफुटमा फैलिएको यस स्टोरमा एकैपटक ४४ जना ग्राहक आरामपूर्वक बस्न सक्ने क्षमता रहेको छ ।
यहाँ पिज्जा हटका चर्चित सिग्नेचर पिज्जाहरू विभिन्न स्वादिष्ट टपिङ्ससहित उपलब्ध छन् । साथै, पास्ता, एपेटाइजरहरू लगायतका अन्य परिकारहरूले ग्राहकको विविध स्वादको अपेक्षा पूरा गर्ने कम्पनीले जनाएको छ ।
शुक्रबार भएको ग्रान्ड ओपनिङ कार्यक्रममा उत्साहजनक वातावरण, स्वादिलो खाना र स्थानीय समुदायसँगको अन्तरक्रियाले यो अवसरलाई विशेष बनायो ।
साथै, ग्राहकका लागि विशेष छुट र अफर उपलब्ध गराइएको छ, जसले उनीहरूको अनुभवलाई अझै अविस्मरणीय बनाउनेछ।
पिज्जा हटका सबै रेस्टुरेन्टहरूले उच्चतम स्वच्छता र सुरक्षाका मापदण्ड पालना गर्ने प्रतिवद्धता जनाएका छन्, जसले ग्राहकहरूलाई आत्मविश्वासका साथ डाइन-इन, टेकअवे वा डेलिभरी सेवाको अनुभव प्रदान गर्छ ।
ग्राहकले विभिन्न डेलिभरी प्लेटफर्ममार्फत् पनि आफ्नो मनपर्ने पिज्जा अर्डर गर्न सक्ने कम्पनीले जनाएको छ।
