२८ जेठ २०८३, बिहीबार
नेपाल वायुसेवा निगमका प्रमुख कार्यकारी अध्यक्ष युवराज अधिकारीको दोस्रो कविता संग्रह ‘युद्ध, युद्ध नै हुन्छ’को लोकार्पण गरिएको छ ।
एपेक नेपालद्वारा शनिबार काठमाडौंको गैरिधारास्थित एलिस रिसेप्सनमा भएको कार्यक्रममा कवि, गीतकार तथा नेपाल वायुसेवा निगमका प्रमुख कार्यकारी अध्यक्ष अधिकारीको दोस्रो कविता संग्रहको लोकार्पण गरिएको हो ।
संस्कृति, पर्यटन तथा नागरिक उड्डयनमन्त्री बद्री पाण्डेको प्रमुख आतिथ्यतामा सम्पन्न भएको उक्त कार्यक्रमको सभापतित्व एपेक नेपालका अध्यक्ष कवि विश्वविमोहन श्रेष्ठले गरेका थिए ।
कार्यक्रममा कवि अधिकारीले आफ्नो साहित्यिक यात्राका बारेमा बोल्दै लोकार्पित सङ्ग्रहबाट दुई कविता पनि वाचन गरे । कवि तुलसी दिवस, साहित्यकार प्रकाश सायमी, कलाकारद्वय विजय लामा, निखिल उप्रेती र राजेन्द्र शलभले पनि कवि अधिकारीका बारेमा बोल्दै उनका केही कविता पनि प्रस्तुत गरे ।
कार्यक्रमको अन्त्यमा रंगकर्मी वीरेन्द्र हमालको निर्देशनमा १२ जना कलाकारद्वारा लोकार्पित सङ्ग्रहभित्रको ‘आमा’ शीर्षकको कविता मञ्चन समेत गरिएको थियो ।
