नेपाल इन्भेष्टमेण्ट मेगा बैंक लिमिटेड (एनआईएमबी) र गोकर्ण फरेस्ट रिसोर्ट, काठमाडौंबीच एक सम्झौता भएको छ ।

सम्झौता अनुसार बैंकका डेबिट/क्रेडिट कार्ड वा एनआईएमबी स्मार्ट एप (मोबाइल बैंकिङ) प्रयोगकर्ताले गोकर्ण फरेस्ट रिसोर्टमा उपलब्ध फुड एण्ड बेवरेज र स्पा सर्भिस मा १५ प्रतिशत छुट प्राप्त गर्न सक्ने बैंकले जनाएको छ । 

यस सहकार्यको मुख्य उद्देश्य ग्राहकलाई गुणस्तरीय सेवा प्रदान गर्नुका साथै डिजिटल कारोबारलाई प्रोत्साहन गर्नु रहेको छ । 

एनआईएमबीले आफ्ना ग्राहकको सुविधालाई प्राथमिकता दिँदै यस्ता विविध छुट योजना तथा सहकार्यलाई निरन्तरता दिँदै आएको जनाएको छ । छुटको विवरण बैंकको आधिकारिक वेबसाइटमा उपलब्ध रहेको बैंकले जनाएको  छ । 

बैंकले हाल २७५ शाखा, २६४ एटीएम, ६५ एक्स्टेन्सन काउन्टर र ६० शाखारहित बैंकिङ काउण्टरबाट सेवा प्रदान गरिरहेको छ ।