३१ असार २०८३, बुधबार
गाजाको दक्षिण भागस्थित नास्सेर अस्पतालमा इजरायलले गरेको दोहोरो आक्रमणमा कम्तीमा २० जनाको मृत्यु भएको छ ।
मृतकमध्ये पाँच जना पत्रकारसमेत रहेका छन् । मारिनेमा रोयटर्सका लागि प्रत्यक्ष प्रसारण गरिरहेका क्यामेरा–पर्सन हुशाम अल–मस्री पनि परेका छन् । उनी सोमबार बिहान अस्पतालको बाहिरी सिँढीमा बसेर युद्धको प्रत्यक्ष दृश्य देखाइरहेका बेला पहिलो आक्रमणमा मारिएका हुन् ।
पहिलो विस्फोटपछि घाइतेको उपचार गर्न मानिसहरू दौडिँदा र अन्य पत्रकारहरू घटनास्थलमा पुगेलगत्तै दोस्रो आक्रमण भएको थियो । यस क्रममा थप मानिसको ज्यान गएको छ ।
यस घटनाबारे इजरायलले दुर्भाग्यपूर्ण त्रुटि भएको दाबी गर्दै छानबिन शुरू गर्ने जनाएको छ । तर, उद्धारका लागि पुगेकाहरूमाथि पुनः आक्रमण गर्नु गम्भीर मानवअधिकार उल्लंघन भएको भन्दै अन्तर्राष्ट्रिय स्तरमा आलोचना बढेको छ ।
इजरायली प्रधानमन्त्री बेन्जामिन नेतान्याहूले यसलाई दुर्भाग्यपूर्ण दुर्घटना भनेका छन् ।
