२८ जेठ २०८३, बिहीबार
नेपालमा व्यावसायिक शिक्षा र रोजगारीको खाडललाई पुर्दै इम्बार्क कलेजले दुई वटा महत्त्वपूर्ण कार्यक्रमको घोषणा गरेको छ । नेपालमा व्यावसायिक नेतृत्व विकास, रोजगारी सुनिश्चित र उद्यमशीलता प्रवर्द्धनका लागि 'व्यावहारिक सीप तालिम (अप्रेन्टिससिप) कार्यक्रम' र 'नवप्रवर्तन (स्टार्टअप) क्षमता विकास कार्यक्रम' शुभारम्भ गरिएको हो ।
कार्यक्रम’को शुभारम्भ गर्दै इम्बार्क कलेजका कार्यकारी निर्देशक तथा सीईओ आशिष ठाकुरले भने, 'यो कार्यक्रमले स्नातकहरूले शैक्षिक जीवनपछि व्यावसायिक जीवनमा प्रवेश गर्दा हुने अनिश्चिततालाई अन्त्य गर्छ। हामीले व्यावसायिक शिक्षालाई प्रत्यक्ष उद्योगसँग जोडेर नेपालमा करियर–रेडी शिक्षाको नयाँ मापदण्ड स्थापित गरेका छौं।'
यस अप्रेन्टिससिप कार्यक्रमले नेपालका प्रमुख तथा नविन उद्योग र उद्यमहरूसँगको साझेदारीमार्फत योग्य स्नातकहरूलाई रोजगारी सुनिश्चित गर्छ। सहभागी कम्पनीहरूले संरचित तालिम आवश्यकताको मूल्याङ्कन (TNA) अनुसार रोजगारीको अवसर प्रदान गरिनेछ।
कार्यक्रमका विशेषताहरूमा पूर्वनियोजित संरचना, व्यावसायिक परामर्श, नियमित मूल्याङ्कन र दीर्घकालीन साझेदारी सम्झौता समावेश छन्, जसले उद्योगलाई दक्ष जनशक्ति र विद्यार्थीलाई सुनिश्चित करियर मार्गदर्शन दिन्छ।
इम्बार्क कलेजले शुरू गरेको स्टार्टअप क्षमता विकास कार्यक्रमले कानुनी रूपमा दर्ता भई १० वर्षभन्दा कम समय सञ्चालन भएका तथा वार्षिक कारोबार १५ करोड भन्दा कम भएका नवप्रवर्तन व्यवसायहरूलाई लक्षित गरेको छ।
यस कार्यक्रमले नेपाल सरकारको राष्ट्रिय स्टार्टअप नीति २०८० र औद्योगिक उद्यम ऐन २०७६ सँग मेल खाने गरी नवप्रवर्तनशील व्यवसायहरूलाई सहयोग प्रदान गर्छ।
प्राथमिकता दिइने व्यवसायहरूमा नवप्रवर्तन, मापनयोग्यता र बजार प्रभाव भएका स्टार्ट अपहरू पर्छन्। 'नेपालमा उद्यमशीलताको सम्भावना अपार छ, तर रणनीतिक स्रोतहरू सम्मको पहुँच सीमित छ। हाम्रो कार्यक्रमले नवप्रवर्तनलाई दिगो व्यवसायमा रूपान्तरण गर्न समग्र क्षमता विकासमा जोड दिन्छ,' उनले भने ।
यी दुई कार्यक्रमहरूले नेपाल सरकारको नीतिअनुरूप समृद्ध उद्यमशील पारिस्थितिक तन्त्र निर्माणमा टेवा पुर्याउने अपेक्षा गरिएको छ।
अप्रेन्टिससिप कार्यक्रम : उद्योगका लागि दक्ष जनशक्ति, विद्यार्थीका लागि सुनिश्चित रोजगारी।
स्टार्टअप कार्यक्रम : आयातमा निर्भरता घटाउँदै, स्वदेशी नवप्रवर्तन र प्रविधि क्षमताको विकास।
आवेदन प्रक्रिया
अप्रेन्टिससिप कार्यक्रमका लागिः
· सीप मूल्याङ्कन
· इम्बार्क कलेजको प्रमाणीकृत शैक्षिक तथा सीपमूलक कागजात
· संरचित अन्तर्वार्ता मार्फत व्यावसायिक मूल्याङ्कन
स्टार्टअप कार्यक्रमका लागिः
· कानुनी दर्ता प्रमाणपत्र र वित्तीय विवरण
· नवप्रवर्तन दर्शाउने व्यवसाय योजना
· परीक्षण समीक्षा (Due Diligence)
ललितपुर, पुल्चोकस्थित इम्बार्क कलेज अन्तर्राष्ट्रिय व्यवसाय शिक्षामा अग्रणी संस्था हो, जसले BSc. Business Management, MBA र ACCA कार्यक्रमहरू सञ्चालन गर्दै आएको छ।
नेपालको आर्थिक विकास र नवप्रवर्तनलाई अघि बढाउने व्यावसायिक नेतृत्व उत्पादन गर्ने कलेजको मुख्य उद्देश्य छ ।
