२७ असार २०८३, शनिबार
सरकारले नेकपा एकीकृत समाजवादीका अध्यक्ष माधवकुमार नेपालले पूर्वप्रधानमन्त्रीको हैसियतमा पाउँदै आएका सुरक्षाकर्मीलाई फिर्ता बोलाएको छ ।
भ्रष्टाचार मुद्दाका अभियुक्त भएकाले उनको सुविधा कटौती गरेर सबै सुरक्षाकर्मी फिर्ता बोलाइएको गृह मन्त्रालय स्रोतले लोकान्तरलाई जानकारी दियो ।
स्रोतका अनुसार अहिले दुई जना पीएसओ मात्रै राखेर अरू सुरक्षाकर्मीलाई फिर्ता बोलाइएको हो ।
मापदण्डअनुसार उनले पाउने दुई जना कायमै राखेर अरू सबै सुरक्षाकर्मी फिर्ता बोलाइएको हो ।
अख्तियार दुरुपयोग अनुसन्धान आयोगले पतञ्जली जग्गा प्रकरणमा नेपालविरुद्ध १८ करोड ५८ लाख ५० हजार रुपैयाँ बिगो कायम गर्दै मुद्दा दायर गरेको थियो ।
