२४ जेठ २०८३, आइतबार
मुक्तिनाथ विकास बैंक लिमिटेडले पोखरामा आफ्नो १९ औं वार्षिक साधारणसभा सम्पन्न गरेको छ ।
उक्त साधारणसभाले आर्थिक वर्ष २०८०/०८१ को वार्षिक प्रतिवेदन पारित गर्दै सेयरधनीलाई १८.२० प्रतिशत लाभांश दिने प्रस्ताव स्वीकृत गरेको छ ।
उक्त लाभांशमध्ये १३.५३ प्रतिशत बोनस सेयर र बाँकी ४.६७ प्रतिशत लागि नगद लाभांश (बोनस सेयर र नगद लाभांशको करसहित) रहेको छ ।
बैंकका सञ्चालक समितिका अध्यक्ष खिमप्रकाश मल्लको अध्यक्षतामा सम्पन्न उक्त कार्यक्रममा विशेष प्रस्तावको रूपमा मुक्तिनाथ विकास बैंकको चुक्ता पूँजी ९ अर्ब ३ लाख ८८ हजार ७६७ रूपैयाँ ११ पैसा पुर्याउने, सोही बमोजिम प्रबन्धपत्रको सम्बन्धित दफा संशोधन गर्ने र पूँजी वृद्धिपश्चात नेपाल राष्ट्र बैंकले तोकेको प्रावधान अनुसार बैंकलाई वाणिज्य बैंकमा स्तरोन्नतिका लागि आवश्यक प्रक्रिया अगाडि बढाउन सञ्चालक समितिलाई अख्तियारी प्रत्यायोजन गर्ने प्रस्ता समेत स्वीकृत गरेको छ ।
यसै सभाबाट आर्थिक वर्ष २०८२/०८३ का लागि लेखापरीक्षकको नियुक्ति लगायतका सामान्य प्रस्ताव पारित गरेको छ । साधारणसभाको प्रमुख कार्यकारी अधिकृत प्रद्युमन पोखरेलले बैंकको हालको अवस्था र भावी रणनीतिको बारेमा जानकारी गराएका थिए ।
साधारणसभामा सञ्चालक समितिको तर्फबाट प्रस्तुत आर्थिक वर्ष २०८१/०८२ को वार्षिक प्रतिवेदनउपर विभिन्न सेयरधनीबाट सल्लाह सुझाव र जिज्ञासा प्राप्त भएको थियो ।
सेयरधनीबाट आएका जिज्ञासा बारेमा अध्यक्ष र प्रमुख कार्यकारी अधिकृतले थप प्रस्ट पारेको प्रमुख सूचना अधिकारी तिलबहादुर गुरुङले जानकारी दिए ।
