२८ जेठ २०८३, बिहीबार
*बलिउडका ८९ वर्षीय दिग्गज अभिनेता धर्मेन्द्र देओलको स्वास्थ्य अवस्था स्थिर रहेको छ ।
मंगलबार बिहान भारतीय मिडियाहरूले नै धर्मेन्द्रको मृत्यु भएको खबर छापे पनि उनकी छोरी इशा देओलले आफ्नो बुवाको उपचार भइरहेको उल्लेख गरेकी छन् ।
'सोसल मिडियाले अफवाह फैलाए । बुवाको स्वास्थ्य स्थिर छ र विस्तारै सुधार हुँदैछ,' इशाले सामाजिक सञ्जालमा लेखेकी छन् ।
धर्मेन्द्रले आफ्नो फिल्मी करियरमा १०० भन्दा बढी चलचित्रमा काम गरेका छन्। उनको वास्तविक नाम धर्मेन्द्रकुमार देओल हो।
विकिपिडियाका अनुसार धर्मेन्द्रको जन्म २ अप्रिल १९३५ मा पञ्जाबमा भएको थियो।
उनले १९६० को दशकमा बलिउडमा प्रवेश गरी आफ्नो अभिनय यात्रा शुरू गरेका थिए। उनको अभिनय शैली, साहसिक दृश्यहरूमा निर्भीक प्रदर्शन र हास्य शैलीले उनलाई बलिउडका चर्चित अभिनेता बनायो।
धर्मेन्द्रले हेमा मालिनीसँग विवाह गरेका थिए र उनका तीन छोराछोरी छन्, जसमा सनी देओल र बबी देओल पनि बलिउडमा सक्रिय छन्।
उनको योगदानले भारतीय चलचित्र उद्योगमा दीर्घकालीन प्रभाव पारेको मानिन्छ र उनलाई बलिउडमा एक “स्टार” र “नेतृत्वशाली अभिनेता”का रूपमा लिइन्छ ।
*आजतक, दैनिक भाष्करसहितका भारतीय मिडियाहरूलाई उद्धृत गर्दै प्रकाशित समाचार त्रुटिपूर्ण रहेको पाइएकाले सच्च्याइएको छ– सम्पादक ।
