नेकपा एमालेको महाधिवेशन उद्घाटन समारोहस्थल भक्तपुरको सल्लाघारी सहभागीहरूले भरिन थालेको छ ।

उद्घाटन सत्र शुरू हुन केही समय बाँकी सहभागीहरूको भिडभाड बढेको हो । 

उदघाटन समारोहस्थलमा प्रवेश गर्नुअघि कडा सुरक्षा जाँच गरिएको छ ।

गेटमा तैनाथ प्रहरीहरूले मेटल डिटेक्टर उपकरणले जाँच गरेर मात्रै भित्र प्रवेश गर्न दिइरहेका छन् ।

एमालेको महाधिवेशनको उदघाटन समारोह भक्तपुर सल्लाघारीमा आज मध्याह्न १२ बजेपछि शुरू हुनेछ ।

त्यसअघि साँस्कृतिक कार्यक्रम भैरहेको छ । महाधिवेशनमा सहभागी हुन विभिन्न जिल्लाबाट मानिसहरू गाडी रिजर्भ गरेर आएका छन् ।