२३ जेठ २०८३, शनिबार
हामीले खाने खानाले हाम्रो तौल र पाचनलाई मात्र नभई हाम्रो बुढ्यौलीलाई पनि असर गर्छ । खाने बानीले सूजन, हार्मोनल सन्तुलन, प्रतिरक्षा प्रणाली र कोष क्षतिलाई असर गर्छ । यी बानीहरूले वर्षौंको दौडान हामी कति चाँडो बुढो हुन्छौँ भनेर निर्धारण गर्छन् ।
केही खानेकुराले बुढ्यौली प्रक्रियालाई सुस्त गर्न मद्दत गर्छ । यी खानेकुराले तुरुन्तै प्रभाव देखाउने छैनन् । तर बिस्तारै शरीरलाई भित्रबाट बलियो बनाउनुका साथै लामो समयसम्म जवान रहन मद्दत गर्नेछन् ।
बुढ्यौली नियन्त्रणका लागि जैतुनको तेल
जैतुनको तेलले बुढ्यौली रोक्ने बोसोको रूपमा काम गर्छ । यसले कोषहरूको संरचनालाई बलियो बनाउँछ र लचिलो पनि राख्छ । यसले प्रशोधित तेलहरू जस्तै शरीरमा सूजन बढाउँदैन । समयसँगै यसले मस्तिष्क, छाला र मुटुको स्वास्थ्य कायम राख्न मद्दत गर्छ ।
सूजन कम गर्न बोसोयुक्त माछा
सूजनले बुढ्यौलीलाई तीव्र बनाउँछ । माछामा पाइने ओमेगा–३ फ्याटले शरीर भित्रको हल्का तर निरन्तर सूजन कम गर्न मद्दत गर्छ । यसले जोर्नीहरूलाई राहत प्रदान गर्दछ । यस्तै रक्तनलीहरूलाई स्वस्थ राख्छ भने अंगहरूलाई राम्रोसँग काम गर्न मद्दत गर्दछ ।
एन्टिअक्सिडेन्टका लागि जामुन
जामुनमा पोलिफेनोल हुन्छ । यसले वनस्पतिमा आधारित एन्टिअक्सिडेन्टको रूपमा काम गर्छ । फ्री रेडिकलहरूसँग लड्न मद्दत गर्छन् । यसले बिस्तारै कोषहरूलाई क्षति पुर्याउँछ । दैनिक जामुन खानाले दिमागलाई सक्रिय राख्न र कोष मर्मतलाई बढावा दिन मद्दत गर्न सक्छ ।
मुटुको स्वास्थ्यका लागि सुख्खा फलफूल
उमेर बढ्दै जाँदा मुटु रोगको जोखिम पनि बढ्दै जान्छ । सुकेको फलफूलमा पाइने स्वस्थ बोसो र खनिज पदार्थले रक्तनलीहरूलाई स्वस्थ राख्छ र कोलेस्ट्रोललाई सन्तुलनमा राख्न मद्दत गर्छ । यसले रगतमा चिनीको मात्रा पनि नियन्त्रणमा राख्छ । यसले मुटुको स्वास्थ्यमा राम्रो योगदान पुर्याउँछ ।
बलियो प्रतिरक्षाका लागि किण्वित खाना
किण्वित खानेकुराले प्रतिरक्षा प्रणालीलाई बलियो बनाउन मद्दत गर्छ । आन्द्राको स्वास्थ्य प्रतिरक्षासँग नजिकको सम्बन्ध छ । आन्द्रा स्वस्थ भयो भने शरीरको रोगसँग लड्ने क्षमता बढ्छ र सूजन कम हुन्छ । यसले बारम्बार संक्रमण हुनबाट रोक्छ । शरीरमा तनाव कम गर्छ र बुढ्यौली प्रक्रियालाई सुस्त बनाउँछ ।
शरीरको विषाक्तता हटाउन काउली
काउली जस्ता क्रुसिफेरस तरकारीहरूले शरीरको डिटोक्सिफिकेसन प्रणाली अर्थात् कलेजोलाई सहयोग गर्न र स्वस्थ डिटोक्सिफिकेसनलाई बढावा दिन मद्दत गर्छन् । यसले विषाक्त पदार्थहरूलाई सजिलै हटाउन मद्दत गर्छ र कोषहरूमा तनाव कम गर्छ ।
यी खानेकुराहरू खाँदा बुढ्यौली पूर्ण रूपमा रोकिँदैन । तर शरीर भित्र हुने क्षति र तनाव कम गर्न र कोषहरूलाई लामो समयसम्म राम्रोसँग काम गर्न मद्दत गर्न सक्छन् ।
