बलिउडका ‘खिलाडी कुमार’ अक्षय कुमार र निर्देशक प्रियदर्शनको सुपरहिट जोडी करिब १० वर्षपछि फेरि ठूलो पर्दामा फर्किंदैछ । यो जोडी एउटै नभइ तीन ठूला फिल्ममार्फत दर्शकमाझ देखिनेछ । जसमा ‘हैवान’, ‘हेरा फेरी ३’ र ‘भूत बंगला’ छन् । यीमध्ये सबैभन्दा पहिला ‘भूत बंगला’ रिलिज हुने भएको छ । यसको नयाँ रिलिज मिति सार्वजनिक गरिएको छ ।

यसअघि ‘भूत बंगला’ १५ मे २०२६ मा सिनेमाघरमा आउने तयारीमा थियो र फिल्मको तयारी पनि तीव्र गतिमा भइरहेको थियो । तर अब निर्माताहरूले यसको रिलिज मिति परिवर्तन गर्ने निर्णय गरेका छन् ।

कहिले रिलिज हुनेछ फिल्म ?
बालाजी मोशन पिक्चर्सको ब्यानरमा बन्ने फिल्म ‘भूत बंगला’को रिलिज मिति सारिएको छ । पहिले १५ मे २०२६ मा रिलिज हुने तय भए पनि अब फिल्मलाई अगाडि सार्दै १० अप्रिल २०२६ मा दर्शकमाझ ल्याइने भएको छ ।

रिलिज मिति अगाडि–पछाडि गर्नुको मुख्य कारण फिल्मलाई यस्तो समय उपलब्ध गराउनु हो । जब बक्स अफिसमा प्रतिस्पर्धा कम होस् । यही सोचका साथ अक्षय कुमार पनि आफ्ना हरेक फिल्मलाई सिनेमाघरमा पर्याप्त र उचित समय दिन चाहन्छन् । दर्शकले सहज रूपमा फिल्म हेर्न सकून् भने यसको बक्स अफिस यात्रालाई पछ्याउन सकून् ।

अक्षय कुमारले शेयर गरे पोस्ट
अक्षय कुमारले आफ्नो एक्स (पूर्व ट्विटर) अकाउन्टमार्फत फिल्मको भिडियो शेयर गर्दै क्याप्सनमा लेखेका छन्, ‘भूत बंगलाको काउन्टडाउन फेरि सुरु गरौं । फिल्म २५ मे होइन, १० अप्रिलमा रिलिज हुनेछ । थिएटरमा भेटौंला ।’

शेयर गरिएको भिडियोमा एउटा कालो बिरालो देखिन्छ । यसका आँखा डर लाग्दा छन् । उक्त बिरालोले क्यालेन्डरमा पंजा हानेको देखिन्छ । त्यसपछि अप्रिल महिनाको क्यालेन्डरमा खसेको दूध चाट्दै गर्दा १० तारिख देखिन्छ ।

गलवानले फिल्ममा असर पार्ला ?
अक्षय कुमारको ‘भूत बंगला’ १० अप्रिलमा रिलिज हुँदैछ । तर यसको ठीक एक सातापछि १७ अप्रिलमा सुपरस्टार सलमान खानको प्रतिक्षित फिल्म ‘बैटल अफ गलवान’ रिलिज हुने तयारीमा छ । एक हप्ताको अन्तरालमा अक्षयको फिल्मले बक्स अफिसमा कस्तो प्रदर्शन गर्छ भन्ने हेर्न रोचक हुने देखिन्छ ।

को–को छन् फिल्ममा ?
‘भूत बंगला’मा अक्षय कुमारसँगै वामिका गब्बी, परेश रावल, तब्बू र राजपाल यादव महत्वपूर्ण भूमिकामा देखिनेछन् । फिल्मको निर्देशन प्रियदर्शनले गरेका हुन् भने यसको निर्माण अक्षय कुमार, शोभा कपूर र एकता आर कपूरले गरेका छन् ।